សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ហេតុការណ៍ភ្ញាក់ផ្អើលមួយបន្ទាប់ពីប្រជាពលរដ្ឋដែសរស់នៅក្នុងបុរីសន្តិភាព២ ខណៈភ្ញាក់ពីដំណេកស្រាប់តែឃើញបុរសមិនស្គាល់មុខម្នាក់សម្ងំនៅក្នុងផ្ទះ កាលពីវេលាម៉ោង៤ភ្លឺថ្ងៃពុធ ៩កើត ខែជេស្ឋ ឆ្នាំច សំរឹទ្ធិស័ក ព.ស. ២៥៦២ ត្រូវនឹងថ្ងៃទី២៣ ខែឧសភា ឆ្នាំ២០១៨ នៅស្ថិតក្នុងសង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ រួចក៏សង្ស័យទើបឃាត់ខ្លួនប្រគល់ឲ្យសមត្ថកិច្ចចាត់ការបន្ត។
ជនសង្ស័យឈ្មោះ សួន វណ្ណូ ភេទប្រុស អាយុ២៥ឆ្នាំ ស្នាក់នៅបុរីសន្តិភាព២ សង្កាត់ចោមចៅទី២ ខណ្ឌពោធិ៍សែនជ័យ។
ប្រជាពលរដ្ឋបានឲ្យដឹងថា មុនពេលកើតហេតុ ខណៈម្ចាស់ផ្ទះភ្ញាក់ពីដំណេកបំណងឡើងទៅហត់ប្រាណ ស្រាប់តែឃើញបុរសម្នាក់សម្ងំនៅក្នុងផ្ទះមិនដឹងចូលតាំងពីពេលណា ទើបបង្កការភ្ញាក់ផ្អើលឃាត់ខ្លួនហើយនាំខ្លួនប្រគល់ឲ្យសមត្ថកិច្ចតែម្តង។
នៅចំពោះមុខសមត្ថកិច្ចបុរសខាងលើបានសារភាពថាខ្លួនមកពីផឹកស៊ីនៅផ្ទះមិត្តភក្តិហើយចូលផ្ទះច្រឡំទេ។
បច្ចុប្បន្នបុរសខាងលើត្រូវបានសមត្ថកិច្ចឃាត់ខ្លួនបណ្ណោះអាសន្នរង់ចាំដោះស្រាយបន្ត ៕ សុខាសែនជ័យ
