សារព័ត៌មាន នគរវត្ត តែងតែនាំមុខគេជានិច្ច
ខេត្តប៉ៃលិន៖ កាលពីវេលាម៉ោង ២០ ថ្ងៃចន្ទ ១៤កើត ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២៨ ខែឧសភា ឆ្នាំ២០១៨ មានករណីគ្រោះថ្នាក់ចរាចរណ៍កើតឡើងដោយសារម៉ូតូ២គ្រឿងបើកបញ្ច្រាសទិសដៅគ្នា បណ្ដាលឲ្យរងគ្រោះទាំងសងខាង ស្ថិតនៅចំណុចភូមិផ្សារព្រំ ឃុំស្ទឹងកាច់ ស្រុកសាលាក្រៅ បណ្ដាលឲ្យមនុស្ស ២នាក់រងរបួស ។
បើតាមសមត្ថកិច្ចនគរបាលជំនាញស្រុកសាលាក្រៅបានឲ្យដឹងថា ជនរងគ្រោះទី១ ឈ្មោះ អុំ ភេទស្រី អាយុ៣៩ឆ្នាំ រស់នៅភូមិ ឃុំកើតហេតុខាងលើ បើកបរម៉ូតូម៉ាក Honda Dream 2013 ពណ៌ស្មៅ ពាក់ស្លាកលេខ ប៉ៃលិន 1C-0820 រងរបួសត្រង់ចង្កេះ ត្រូវបានបញ្ជូនទៅមន្ទីរពេទ្យបង្អែកខេត្ត ទី២ ឈ្មោះ ថុល អៀង ភេទប្រុស អាយុ២៩ឆ្នាំ រស់នៅភូមិ ឃុំ កើតហេតុខាងលើ បើកបរម៉ូតូម៉ាក Honda Dream 2005 ពណ៌ស្មៅ ពាក់ស្លាកលេខ បាត់ដំបង 1U-6045 ក្នុងស្ថានភាពស្រវឹង។
បច្ចុប្បន្ន វត្ថុតាងត្រូវបានយកទៅរក្សាទុកនៅអធិការដ្ឋាននគរបាលស្រុកសាលាក្រៅ រង់ចាំការដោះស្រាយ ៕ ស សារ៉េត
