សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបងៈ តាចាស់ម្នាក់រងការចាប់ខ្លួនជាប់ចោទរំលោភសេពសន្ថវៈកុមារី៧ឆ្នាំ ។ ជនសង្ស័យត្រូវបានចាប់ខ្លួននៅវេលាម៉ោង១១និង៣០នាទីព្រឹក ថ្ងៃចន្ទ ៦រោច ខែបឋមាសាឍ ឆ្នាំច សំរិទ្ធិស័ក ព.ស. ២៥៦២ ត្រូវនឹងថ្ងៃទី ១៨ ខែមិថុនា ឆ្នាំ២០១៨ ។
បើយោងតាមរបាយការណ៍របស់អធិការដ្ឋាននគរបាលស្រុកកំរៀងឱ្យដឹងថា កុមារីឈ្មោះ អាយុ៧ឆ្នាំ រស់នៅ ខេត្តបាត់ដំបង ត្រូវបាន ជនសង្ស័យ ឈ្មោះ សូឌី ភេទប្រុស អាយុ៥៣ឆ្នាំ មានទីលំនៅ ភូមិដូង ឃុំបឹងរាំង ស្រុកកំរៀង ខេត្តបាត់ដំបង ចាប់រំលោភ សេពសន្ថវៈបានសម្រេច ។
យោងតាមរបាយការណ៍ដដែលឱ្យដឹងទៀតថាៈ បន្ទាប់ពី ទទួលបានពាក្យបណ្តឹងរួចមក កម្លាំងជំរុញនៃអធិការស្រុកកំរៀង បានចុះ ប្រតិបត្តិការ នាំខ្លួនជនសង្ស័យ ឈ្មោះ សូឌី កំពង់រងការចោទប្រកាន់ពីបទរំលោភសេពសន្ថវៈ លើអនិតិជននាំខ្លួនមក សួរនាំ និងកំពុងបន្តសំណុំរឿងបណ្ជូនមកសាលាដំបូងខេត្តបាត់ដំបង ដើម្បីចាត់ការតាមផ្លូវ ៕ សំ វិច្ឆិកា
