សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ មន្ដ្រីជាន់ខ្ពស់ក្រសួងការងារ ថ្លែងនៅអាកាសយាន្តដ្ឋានអន្តរជាតិភ្នំពេញ ក្នុងឱកាសដែលអញ្ជើញទទួលការវិលត្រឡប់មកដល់កម្ពុជាវិញរបស់ពលការនី កែន ចន្ថា ដែលរងគ្រោះដោយការចាញ់បោកមេខ្យល់ បញ្ជូនទៅធ្វើការដោយខុសច្បាប់ នៅអារ៉ាប៊ីសាអូឌីតអស់រយៈពេលជាង៤ឆ្នាំ លោក អូស្មាន ហាស្សាន់ រដ្ឋមន្រ្តីប្រតិភូអមនាយករដ្ឋមន្រ្តី និងរដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ បានបញ្ជាក់ថា៖ ក្រសួងការងារ និង បណ្តុះបណ្តាលវិជ្ជាជីវៈ សហការជាមួយស្ថាប័នមានសមត្ថកិច្ច ដើម្បីចាត់វិធានការទៅតាមផ្លូវច្បាប់ ទៅលើជនខិលខូចជាមេខ្យល់ ដែលនាំពលការនី កែន ចន្ថា ទៅបម្រើការងារជាស្រ្តីមេផ្ទះនៅអារ៉ាប៊ីសាអូឌីត ហើយព្រមានទៅកាន់ភ្នាក់ងារ រឺមេខ្យល់ផ្សេងៗទៀត ដែលបាននិងកំពុងមានសកម្មភាពដូចគ្នា ត្រូវបញ្ឈប់ជាបន្ទាន់ ហើយត្រូវទទួលខុសត្រូវចំពោះមុខច្បាប់ រាល់ពលការនីដែលខ្លួនបានបញ្ជូនទៅក្រៅប្រទេសដោយខុស ច្បាប់ ។ លោកបានបញ្ជាក់បែបនេះនៅអាកាសយានដ្ឋានអន្ដរជាតិភ្នំពេញ កាលពីថ្ងៃពុធ ៧រោច ខែបឋមាសាឍ ឆ្នាំចសំរឹទ្ធិស័កព.ស២៥៦២ត្រូវនិងថ្ងៃទី០៤ កកដ្ដា ឆ្នាំ២០១៨ ។
ពលការនី កែន ចន្ថា បានប្រាប់ទាំងទឹកភ្នែក ពីទុកលំបាករបស់ខ្លួនគ្រប់បែបយ៉ាង ក្នុងកំឡុងពេលជាងបួនឆ្នាំមកនេះ ខ្លួនត្រូវបានថៅកែធ្វើទុក្ខបុកម្នេញ គ្រប់រូបភាព កេងប្រវញ្ញកម្លាំងពលកម្ម ការមិនផ្តល់ប្រាក់បៀវត្ស និងការហូបចុកមិនបានគ្រប់គ្រាន់ ហើយខ្លួនត្រូវបានគេបញ្ជូនទៅ មប្រើការងារ មេផ្ទះពីថៅកែមួយទៅ ថៅកែមួយ ហើយរហូតដល់ថៅកែទី៤ ទើបខ្លួនទទួលបានការងារល្អ មានប្រាក់បៀវត្ស និង ការបម្រើកការងារទៅតាមពេលវេលាសម្រាក់ ។ ទោះបីយ៉ាងណា ពលការនី កែន ចន្ថា បានអំពាវនាវ ដល់ពលករ ពលការនីខ្មែរទាំងឡាយ ដែលមានបំណងចង់ទៅធ្វើការនៅក្រៅប្រទេស សូមពិនិត្យមើល និង ស៊ើបសួរពីប្រវត្តិរបស់ភ្នាក់ងារ នោះអោយបានច្បាស់លាស់ ជាពិសេសត្រូវអញ្ជើញទៅតាមក្រុមហ៊ុនស្របច្បាប់ដែលមានអាជ្ញាប័ណ្ណត្រឹមត្រូវ ដើម្បីសុវត្ថិភាព ការទំនួលខុសត្រូវខ្ពស់ពីក្រុមហ៊ុនទាំងក្នុង និងក្រៅប្រទេស ជាគោលដៅ ក៏ដូចជាការទទួលដឹងលឺពីអាជ្ញាធរមានសមត្ថកិច្ចរបស់ប្រទេស នោះ ផងដែរ។
ពលការនី កែន ចន្ថា បានថ្លែងអំណរគុណ ដល់ប្រមុខរាជរដ្ឋាភិបាលកម្ពុជា ក្រោមការដឹកនាំរបស់សម្តេចអគ្គមហា សេនាបតីតេជោ ហ៊ុន សែន និងថ្លែងអំណរគុណដល់ថ្នាក់ដឹក នាំក្រសួងពាក់ព័ន្ធដែលជាសេនាធិការរបស់រាជរដ្ឋាភិបាល ដែលតែងតែចេញមុខដោះស្រាយបញ្ហាកង្វល់ផ្សេងៗរបស់ប្រជាពលរដ្ឋ ។
លោក អូស្មាន ហាស្សាន់ បានបញ្ជាក់ថា៖ ពលការនីខ្មែរ ឈ្មោះ កែន ចន្ថា មានទីលំនៅកំណើត ភូមិវត្តបូព៌ ឃុំសៀម រាប ស្រុកសៀមរាប ខេត្តសៀមរាប ដែលបានទៅធ្វើការងារបំរើតាមផ្ទះនៅប្រទេសអារ៉ាប៊ីសាអ៊ូឌីត រយៈជាង ៤ ឆ្នាំដោយចាញ់បោក ពួកមេខ្យល់ បានសុំអោយខ្ញុំ និងក្នុងនាមរដ្ឋមន្ត្រី ក្រសួងការងារ និងបណ្ដុះបណ្ដាលវិជ្ជាជីវៈ លោកខិតខំព្យាយាមទំនាក់ទំនងគ្រប់បែបយ៉ាង ដើម្បីជួយរំដោះនាង មក កម្ពុជាវិញ បន្ទាប់បានទទួលដំណឹងតាមរយៈបណ្ដាញសង្គមហ្វេសប៊ុក ប្រមាណជាង១ខែមកនេះ ។ ហើយដែលខ្ញុំបានដោះ ស្រាយអោយបានវិលត្រឡប់មកកម្ពុជាវិញ មានការយឺតយ៉ាវនេះ ដោយសារតែ នៅប្រទេសអារ៉ាប់នោះ មិនទាន់មាន ស្ថានទូត ឬស្ថានកុងស៊ុលសម្រាប់ទំនាក់ទំនងនិង ដើម្បីដោះស្រាយ បញ្ហាផ្សេងៗ ចំពោះពលការរិនី ដែលទៅធ្វើការងារនៅទីនោះមានការលំបាកយឺតយ៉ាវ។ហើយនេះជានារីរង គ្រោះ ទី៤ហើយដែលខ្ញុំបានជួយដោះស្រាយអោយបានវិលត្រឡប់មកកម្ពុជាវិញ ៕ សំរិត
