សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ហេតុការណ៍ភ្ញាក់ផ្អើលមួយបន្ទាប់ពីបុរសម្នាក់ទំនងជាស្រវឹង ហើយបានឈប់រថយន្តលើដងផ្លូវហើយដេកលក់លក់យ៉ាងរំភើយ ដោយមិនខ្វល់ពីការកកស្ទះចរាចរណ៍ហើយត្រូវបានសៃមត្ថកិច្ចស្ទូចរថយន្តទៅរក្សាទុកជៀសវាងស្ទះចរាចរណ៍ ។
ហេតុការណ៍នេះបានកើតឡើងកាលពីវេលាម៉ោង៨នឹង៥០នាទីយប់ថ្ងៃអង្គារ ៦រោច ខែបឋមាសាឍ ឆ្នាំច សំរឹទ្ធិស័ក ព.ស. ២៥៦២ ត្រូវនឹងថ្ងៃទី៣ ខែកក្កដា ឆ្នាំ២០១៨ នៅតាមបណ្ដោយផ្លូវសហព័ន្ធរុស្ស៊ី កែងស្តុប២០០៤ ដែលស្ថិតនៅភូមិតាងួន សង្កាត់កាកាប២ ខណ្ឌពោធិ៍សែនជ័យ ។
សាក្សីបានឲ្យដឹងថា មុនពេលកើតហេតុគេបានឃើញបុរសម្នាក់បើករថយន្ត ពណ៌ទឹកប្រាក់ ពាក់ស្លាកលេខ ភ្នំពេញ 2AH-7019 បើកក្នុងទិសដៅពីកើតទៅលិច ខណៈមកដល់ចំណុចកើតហេតុក៏បានមកឈប់ជិតស្តុប២០០៤ ដេកលង់លក់យ៉ាងរំភើយធ្វើឲ្យមានកកស្ទះចរាចរណ៍យ៉ាងខ្លាំង បន្ទាប់មកកម្លាំងជំនាញចរាចរណ៍ខណ្ឌពោធិ៍សែនជ័យក៏មកគោះទ្វារហើយក្រោកតែមិនភ្ញាក់ទើបស្ទូចយករថយន្តទៅរក្សាទុកនៅអធិការដ្ឋានននគរបាលដើម្បីទំនាក់ទំនងទៅក្រុមគ្រួសារមកទទួលយកទៅផ្ទះវិញ ។
ក្រោយពេលកើតហេតុសណ្តាប់ធ្នាប់ចរាចរណ៍ខណ្ឌពោធិ៍សែនជ័យដោយដឹងថា បុរសខាងលើស្រវឹងល្មមអាចបើកបរកើតដោយមិនបាច់ហៅក្រុមគ្រួសារមកទទួលឡើយ ហើយឲ្យត្រឡប់ទៅវិញភ្លាមៗផងដែរ ៕ សុខាសែនជ័យ
