សារព័ត៌មាន នគរវត្ត តែងតែនាំមុខគេជានិច្ច
ខេត្តប៉ៃលិន៖ យោងតាមការទទួលពាក្យបណ្តឹងរបស់ការិយាល័យព្រហ្មទណ្ឌកម្រិតធ្ងន់ ពីឈ្មោះ មាស ម៉ូរ៉ា ភេទស្រី អាយុ ៥១ឆ្នាំ មុខរបរកសិករ រស់នៅភូមិអូរអិល ឃុំស្ទឹងកាច់ ស្រុកសាលាក្រៅ ខេត្តប៉ៃលិន ត្រូវជាម្ដាយជនរងគ្រោះ ក្នុងករណីគ្រោះថ្នាក់ចរាចរណ៍ កាលពីវេលាម៉ោង ១៥និង១០នាទី ថ្ងៃទី២១ ខែកក្តដា ឆ្នាំ២០១៨ ពីបទឃាតក្មគិតទុកជាមុន។
ជនសង្ស័យឈ្មោះ ណាន់ វីន ភេទប្រុស អាយុ១៨ឆ្នាំ មុខរបរកម្មករបើកឡានអោយរោងចក្រទឹកកក់ បី អេស រស់នៅភូមិអូរតាប្រាង្គ សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន បានបើកឡានទឹកកក់ ដេញបុកជនរងគ្រោះ កំពុងជិះម៉ូតូមានគ្នា ០២នាក់ នៅចំណុចផ្លូវលំក្រវ៉ាត់ព្រំដែន (ផ្លូវអូរឈើក្រំ ) លុះដល់ចំណុចកើតហេតុជនសង្ស័យបានបុកម៉ូតូជនរងគ្រោះ ពីក្រោយ បណ្តាលអោយជនរងគ្រោះទាំង ០២នាក់ បានស្លាប់ភ្លាមៗនៅកន្លែងនិងកើតហេតុ រួចជ្រុលទៅបុកផ្ទះប្រជាពលរដ្ឋថែម ០១ខ្នងទៀត។
ជនរងគ្រោះទី១.ឈ្មោះ ជួន ផាន់ណា ភេទប្រុស អាយុ ២៦ឆ្នាំ មុខរបរ មន្ត្រីនគរបាលការពារព្រំដែនគោកវរ:សេនាតូចលេខ៨២១ បើកម៉ូតូម៉ាក KTM Duke ពណ៌ស លាយខ្មៅ ពាក់ស្លាកលេខ ភ្នំពេញ 1FK-4199 ស្លាប់ ជនរង គ្រោះទី២.ឈ្មោះ សាន វាសនា ភេទ ស្រី អាយុ ១៨ឆ្នាំ រស់នៅភូមិអូររអិល ឃុំស្ទឹងកាច់ ស្រុកសាលាក្រៅ ខេត្តប៉ៃលិន អ្នករួមដំណើរស្លាប់។
ក្នុងករណីខាងលើនេះ ក្រោយពីធ្វើការស្រាវជ្រាវ និងស៊ើបអង្កេតរបស់ការិយាល័យជំនាញព្រហ្មទណ្ឌកម្រិតធ្ងន់ ជនសង្ស័យបានសារភាពថាពិតជាប៉ុនប៉ងសម្លាប់ជនរងគ្រោះទាំងពីរនាក់ពិតប្រាកមែន ដោយសារតែការប្រចណ្ឌ។
បច្ចុប្បន្នជនសង្ស័យត្រូវបានកសាងសំណុំរឿងបញ្ជូនទៅតុលាការដើម្បីចាត់ការទៅតាមនីតិវិធីច្បាប់ ៕ ស សារ៉េត
