សារព័ត៌មាន នគរវត្ត តែងតែនាំមុខគេជានិច្ច
ប៉ោយប៉ែត៖ មនុស្សប្រុស ស្រី២នាក់ប្ដីប្រពន្ធជិះម៉ូតូឆ្វែលរង្វង់មូលមិនប្រកាន់ស្ដាំ ជ្រុលបុករថយន្តស៊េរីទំនើបម៉ាក អូឌី របស់ជនជាតិ ចិន រងរបូសធ្ងនកាលពីវេលាម៉ោង ១៥និង៣០នាទី ថ្ងៃទី៥ ខែតុលា ឆ្នាំ២០១៨ នៅលើកំណាត់ផ្លូវជាតិលេខ៥ ត្រង់ចំណុចរង្វង់មូល ប្រសព្វផ្លូវជាតិលេខ៥៨ ស្ថិតក្នុងភូមិស្ទឹងបត់ សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ ។
សមត្ថកិច្ចប្រាប់ថា ជនរងគ្រោះឈ្មោះគា ម៉ី ភេទស្រី អាយុ១៨ឆ្នាំ រស់នៅក្នុងភូមិទួលពង្រ សង្កាត់ផ្សារកណ្ដាល ត្រូវជាប្រពន្ធ រងរបួសធ្ងន់ ។ រីឯប្ដីមិនស្គាល់អត្តសញ្ញាណ សន្លប់បាត់បង់ស្មារតី រងរបួសបាក់កំភួនជើងទាំងពីរ មូលហេតុ: អ្នកបើកបរម៉ូតូមិនប្រកាន់ស្តាំ ។
អ្នកបើកបររថយន្តឈ្មោះ Zhang Ning ទប្រុស អាយុ២៥ឆ្នាំ មុខរបរផ្នែកលក់ រស់នៅប្រទេសចិន ។
សមត្ថកិច្ចបន្ថែមថា មុនកើតហេតុមានរថយន្តម៉ាក អូឌី ពណ៌ខ្មៅ ពាក់ស្លាកលេខ ភ្នំពេញ 2AH-6929 បើកបរពីលិចទៅកើត លុះជិតដល់រង្វង់មូលផ្លូវជាតិលេខ៥៨ ស្រាប់តែមានម៉ូតូ១គ្រឿង (ម៉ូតូចាស់មានតែគ្រោងដែក) បើកបរឆ្វែលរង្វង់មូលប៉ែកខាងជើង ឆ្ពោះទៅទិសខាងលិច ក៏ជ្រុលចង្កូតទៅបុកថ្ពាល់មុខផ្នែកខាងឆ្វេងរថយន្តអូឌី ខាងលើគ្រោះថ្នាក់តែម្តង ។
នៅកន្លែងកើតហេតុ គេឃើញកម្លាំងជំនាញនគរបាលក្រុងប៉ោយប៉ែតវាស់ និងធ្វើកំណត់ហេតុ ។ ចំពោះអ្នករងរបួសទាំង២នាក់ ប្ដីប្រពន្ធត្រូវរថយន្តរបស់កម្លាំងអាវុធហត្ថដឹកទៅសង្គ្រោះនៅមន្ទីរពេទ្យបង្អែកដីថ្មីក្រុងប៉ោយប៉ែត។
ចំពោះរថយន្ត និងម៉ូតូ សមត្ថកិច្ចយកទៅរក្សាទុកនៅអធិការដ្ឋានដើម្បីសួរនាំ ៕ វណ្ណា
