សារព័ត៌មាន នគរវត្ត តែងតែនាំមុខគេជានិច្ច
សិង្ហបុរី៖ នៅព្រឹកថ្ងៃព្រហស្បត្តិ៍ទី ១៥ វិច្ឆិកា នេះ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា នឹងអញ្ជើញចូលរួមកិច្ចប្រជុំមួយចំនួនរួមមាន កិច្ចប្រជុំកំពូលអាស៊ានឥណ្ឌា (ព្រឹកនេះ) កិច្ចប្រជុំកំពូលអាស៊ាន-អាមេរិក លើកទី៦, កិច្ចប្រជុំកំពូលអាស៊ានបូក៣-លើកទី២១, កិច្ចប្រជុំកំពូលអាស៊ីបូព៌ាចង្អៀត (ថ្ងៃត្រង់), កិច្ចប្រជុំកំពូលអាស៊ីបូព៌ាពេញអង្គលើកទី១៣ រហូតដល់ពិធីបិទកិច្ចប្រជុំកំពូលអាស៊ាន លើកទី ៣៣ និងពិធីផ្ទេរតំណែងប្រធានអាស៊ានទៅអោយប្រទេសថៃដែលនឹងប្រារព្ឋធ្វើនៅម៉ោងប្រមាណ ១៦:៣០ -១៧:៣០ល្ងាចនេះ។
នៅព្រឹកថ្ងៃសុក្រស្អែកទី ១៦ វិច្ឆិកា សម្តេចតេជោនាយករដ្ឋមន្រ្តី នឹងដឹកនាំគណប្រតិភូជាន់ខ្ពស់កម្ពុជា អញ្ជើញវិលត្រឡប់មកកាន់មាតុប្រទេសវិញ។ សូមជូនពរបងប្អូនរួមជាតិទាំងក្នុងនិងក្រៅប្រទេសជួបតែសេចក្តីសុខចម្រើន និងសំណាងល្អ៕
