សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ស្ពឺ៖ យ៉ាងហោចណាស់មនុស្ស២នាក់រងរបួស និងម្នាក់បានស្លាប់ បន្ទាប់ពីពួកគេជិះម៉ូតូទៅបុកគោកំពុងដើរ នៅលើផ្លូវបណ្តលឲ្យគោក៏ ស្លាប់នឹងកន្លែង ដូចគ្នាចំណែកអ្នករងរបួសធ្ងន់២នាក់ត្រូវបានសមត្ថកិច្ចបញ្ជូនទៅសង្រ្គោះនៅមន្ទីរពេទ្យបង្អែកស្រុកឧដុង្គភា្លមៗផងដែរ ។
ហេតុការណ៍គ្រោះថ្នាក់ចរាចរណ៍នេះ កើតឡើងនៅវេលាម៉ោង ១៩:៥៦ នាទី ថ្ងៃទី ២០ ខែវិច្ឆិកា ឆ្នាំ២០១៨ នៅលើផ្លូវជាតិលេខ ៤៤ ចន្លោះគីឡូម៉ែត្រ លេខ ៨២~៨៣ ស្ថិតក្នុងភូមិអូរអង្គុំ ឃុំអមលាំង ស្រុកថ្ពង ខេត្តកំពង់ស្ពឺ ។
សមត្ថកិច្ចឲ្យដឹងថា ជនរងគ្រោះទាំង៣នាក់ មានឈ្មោះ សត់ វិន ភេទប្រុស អាយុ ១៩ឆ្នាំ បើកបរម៉ូតូម៉ាក C125 ពណ៍ខ្មៅ សេរី2018 ពាក់ស្លាកលេខ ភ្នំពេញ 1GU 4151 រស់នៅភូមិតាំងសំរោង ឃុំអមលាំង ជាអ្នកបើកបរ គ្មានមួក បែកក្បាលស្លាប់នៅ និងកន្លែងកើតហេតុ ដោយឡែកអ្នករួមដំណើរ, ឈ្មោះ ខ្ញិល អៀរ ភេទប្រុស អាយុ១៨ ឆ្នាំនៅភូមិតាំងសំរោង ឃុំអមលាំង ស្រុកថ្ពង ខេត្តកំពង់ស្ពឹ គ្មានមួក រងរបួសធ្ងន់និងឈ្មោះ វិរះ ធា ភេទប្រុសអាយុ ១៨ ឆ្នាំ នៅភូមិតាំងសំរោង ឃុំអមលាំង ស្រុកថ្ពង ខេត្តកំពង់ស្ពឹ គ្មានមួក ។
ប្រភពពីសមត្ថកិច្ចបានឲ្យដឹងថា មុនពេលកើតហេតុ ទាំង៣នាក់ បានធ្វើដំណើរក្នុងទិសដៅ ពីកើតទៅលិច ក្នុងល្បឿនយ៉ាងលឿន ពេលមកដល់ចំណុចកើតហេតុខាងលើបានបុកគោ កំពុងដើរ អូសចម្ងាយ២៥ម៉ែត្រ ។ ប្រភពបន្តថាបន្ទាប់ពីបុកគោក៏ ខ្ទាត ទៅចិព្ចាើមផ្លូវខាងត្បូង ងាប់នៅនឹងកន្លែងដែរ ចំណែកអ្នកបើកម៉ូតូក៏ស្លាប់ភ្លាមៗដំណាលនឹងគោដែរ ។
សមត្ថកិច្ចបានធ្វើការវាស់វែងឃើញថាគ្រោះថ្នាក់នេះបណ្តាលមកពី ជនរងគ្រោះជិះម៉ូតូហួសល្បឿនទើបមិនអាចគ្រប់គ្រងស្ថានការណ៍បានក៏ជួបហេតុការណ៍អាក្រក់បែបនេះតែម្តង ។ អ្នករបួសទាំង២ បានបញ្ជូនតាមរថយន្តសង្គ្រោះទៅមន្ទីរពេទ្យបង្អែកឧដុង្គ ។ ចំពោះសព សមត្ថកិច្ច ទំនាក់ទំនងទៅសាច់ញាតិ មកទទួល យកទៅធ្វើបុណ្យតាមប្រពៃណីហើយ ។
ដោយឡែកនៅយប់ថ្ងៃដដែលនៅបុរសម្នាក់បានជិះម៉ូតូទៅបុកគោ ដែលរត់លើផ្លូវបញ្ច្រាសទិសគ្នា បណ្ដាលឲ្យដួលបោកក្បាលលើផ្លូវស្លាប់ភ្លាមៗនៅនឹងកន្លែងកើតហេតុ រីឯគោរត់បាត់ ។ ក្រោយកើតហេតុសមត្ថកិច្ចបានចុះធ្វើកំណត់ហេតុប្រគល់សពឲ្យក្រុមគ្រួសារទទួលយកទៅធ្វើបុណ្យតាមប្រពៃណី ។
ហេតុការណ៍ជិះម៉ូតូបុកគោនេះកើតឡើងលើផ្លូវលេខ៤៤ ចន្លោះគីឡូលេខ៣៣-៣៤ កាលពីម៉ោង២៣ និង០០ថ្ងៃអង្គារ ១៣កើត ខែកត្តិក ឆ្នាំច សំរិទ្ធស័កព.ស២៥៦២ ត្រូវនឹងថ្ងៃទី២០ ខែវិច្ឆិកា ឆ្នាំ២០១៨ ស្ថិតក្នុងភូមិតាំងរបង ឃុំហោងសំណំ ស្រុកឱរ៉ាល់ ខេត្តកំពង់ស្ពឺ ។
ជនរងគ្រោះឈ្មោះ ឡោ រ៉ែន ភេទប្រុសអាយុ៣០ឆ្នាំ នៅភូមិត្រាង ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ ជិះម៉ូតូ០១គ្រឿងម៉ាកHONDA DREAM C125 ពណ៍ខ្មៅ សេរីឆ្នាំ2018 ពាក់ស្លាកលេខ កំពង់ស្ពឺ1L-8613 ។
ប្រភពពីសមត្ថកិចបានឲ្យដឹងថា មុនពេលកើតហេតុជនរងគ្រោះជិះម៉ូតូម្នាក់ឯងក្នុងទិសដៅពីលិចទៅកេីត លុះដល់ចំណុចខាងលើ បានបុកគោ ដែលរត់បញ្ច្រាស់ទិស បណ្ដាលឲ្យដួលបោកក្បាលលើផ្លូវស្លាប់ភ្លាមៗនៅនឹងកន្លែងកើតហេតុ រីឯគោរត់បាត់ ។
ប្រភពបន្តថា ក្រោយកើយហេតុសមត្ថកិច្ចយើងបានធ្វើកំណត់ហេតុ និងបានប្រគល់សាកសពជូនសាច់ញាតិយកទៅធ្វើបុណ្យតាមប្រពៃណី រីឯម៉ូតូយកមករក្សាទុកនៅអធិការដ្ឋាននគរបាលស្រុកឱរ៉ាល់ កសាងស្រាវជ្រាវតាមនីតិវិធី ៕ សេនាស័ក្តិ
