សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បន្ទាប់ពីលោកកែវ រ៉េមី ប្រធានគណៈកម្មាធិការសិទ្ធិមនុស្សកម្ពុជា និយាយរឿងដោយសារនឹកកូនពេក បានរត់ទៅសុំ VISA ទៅអាមេរិក តែបាត់ដំណឹង នោះ មានមតិមួយចំនួន លើកឡើងពីការប្រព្រឹត្តអំពើពុករលួយ ទើបអាមេរិកមិនផ្តល់ VISA ។
នៅល្ងាចថ្ងៃទី២២ ខែវិច្ឆិកា ឆ្នាំ២០១៨ នេះ លោកកែវ រ៉េមី បានបន្តបញ្ជាក់ម្តងទៀតអំពីករណីនេះ ។
លោកកែវ រ៉េមី បញ្ជាក់ថា “មានបងប្អូនយើងមួយចំនួនតូចដែលមិនបានដឹង:
១ -គ្រួសារខ្ញុំទៅនៅអាមេរិកដោយសារគេចពីសង្គ្រាមក្រោយឆ្នាំ ១៩៧៩។
២ – ចោទខ្ញុំពុករលួយគឺខុស។ កូនខ្ញុំរៀនចប់ដោយសារខ្ចីលុយក្នុងសាលា ពេលរៀនចប់ត្រូវសងគេវិញ។ នេះក៏ជាចំណុចដែលគាត់បាននិងបន្តធ្វើការនៅអាមេរិកបន្តទៀត ។ ពេលសងអស់គាត់នឹងត្រឡប់មកខ្មែរវិញ ពីព្រោះជាប្រទេសយើង។
៣ – នៅឆ្នាំ ១៩៩៨, អាមេរិកបានផ្តល់សញ្ជាតិអាមេរិកាំងអោយខ្ញុំ តែខ្ញុំមិនទៅទទួលនោះទេ។នេះជាការពិត, មានសាក្សីនៅរស់មួយចំនួនដែលគេតែងតែហួសចិត្តជាមួយខ្ញុំ៕ចេស្តា
