ផ្ទុះម៉ាស៊ីនសម្ងួតស្រូវនៅក្នុងរោងចក្រ Golden Rice បណ្តាលឲ្យមានមនុស្សស្លាប់

ខេត្តកំពង់ស្ពឺ៖ លោកវរសេនីយ៍ឯក ខឹម សាម៉ុន អធិការនគរបាលស្រុកឧដុង្គ ខេត្តកំពង់ស្ពឺ បានឲ្យដឹងថានៅរសៀលថ្ងៃទី១៩ ខែធ្នូ ឆ្នាំ២០១៨ មានករណីផ្ទុះម៉ាស៊ីនសម្ងួតស្រូវនៅក្នុងរោងចក្រ Golden Rice បណ្តាលឲ្យមានមនុស្សស្លាប់។

រោងចក្រ Golden Rice ស្ថិតនៅតាមបណ្តោយផ្លូវជាតិលេខ៥១ ភូមិតាឡក ឃុំក្សេមក្សាន្ត ស្រុកឧដុង្គ ខេត្តកំពង់ស្ពឺ។

លោកអធិការ បានបន្តទៀតថា បច្ចុប្បន្នលោកកំពុងហៅឡានទឹកដើម្បីមកជួយអន្តរាគមន៍។ ចំណែកលោកឧត្តមសេនីយ៍ទោ សម សាមួន ស្នងការខេត្តកំពង់ស្ពឺយើងមិនអាចទាក់ទងបាននៅឡើយទេ ។

សូមជម្រាបថា រោងចក្រផលិតអង្ករ «ហ្គោល ឌិនរ៉ាយ» ជារោងចក្រសម្ងួតស្រូវមួយយ៉ាងធំ ហើយកាលពីឆ្នាំ២០១៧កន្លងទៅ ក៏ធ្លាប់កើតមានគ្រោះអគ្គិភ័យនេះម្ដងរួចមកហើយ៕