សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ៖ បុរស២នាក់ ទំនាស់គ្នារឿងគោស៊ីស្រូវបង្ក ជាអំពើហិង្សាដោយចេតនាយកអាវុធ(ស្នឹងគោ) វាលក្បាលគ្នាបង្កឲ្យបុរសម្នាក់រងរបួសក្បាល ។ ហេតុការណ៍នេះ បានកើតឡើងកាលពី វេលាម៉ោង១២,១០នាទី ថ្ងៃទី១៩ ខែធ្នូ ឆ្នាំ២០១៩ នៅចំណុចវាលស្រែខាងកើតភូមិថ្លា ឃុំច្រនាង ស្រុកបារាយណ៍ ខេត្តកំពង់ធំ ។
ជនរងគ្រោះ ឈ្មោះ សូវ ណាំឈាង ភេទប្រុស អាយុ៧០ឆ្នាំ រស់នៅភូមិ-ឃុំកើតហេតុខាងលើ ត្រូវរបួសក្បាល១កន្លែង និងជើង១កន្លែង។ រីឯជនបង្កឈ្មោះ យឹម រ៉ា ភេទប្រុស អាយុ ៥៦ឆ្នាំ នៅភូមិ-ឃុំកើតហេតុ ជាមួយគ្នា ។
តាមប្រភពព័ត៌មានពីសមត្ថកិច្ចបានឲ្យដឹងថា មុនពេលកើតហេតុជនបង្កទៅមើលស្រែ(ស្រូវ) ឃើញគោរបស់ជនរងគ្រោះស៊ីស្រូវរបស់ខ្លួន ទើបចាប់ចងទុក លុះពេលជនរងគ្រោះដើររកគោឃើញគោត្រូវជនបង្កចាប់ចងទុក លុះជនរងគ្រោះចូលទៅយកគោ ហើយក៏បានទាស់ពាក្យសំដីគ្នា ជនបង្កយកស្នឹងគោ វាយក្បាល ជនរងគ្រោះ និងប្រតាយប្រតប់គ្នា បណ្ដាលឲ្យជនរងគ្រោះរបួសក្បាលជាទម្ងន់ ។ មូលហេតុ ទំនាស់រឿងគោជនរងគ្រោះស៊ីស្រូវ របស់ជនបង្ក។
ក្រោយកើតហេតុសមត្ថកិច្ចសួរនាំ និងធ្វើកំណត់ហេតុ ៕ ប៊ុនរិទ្ធី
