សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសជនជាតិចិនពីរនាក់ សង្ស័យស្រវឹងស្រាជោក បើករថយន្តស៊េរី ទំនើបមួយគ្រឿង បោះពួយលឿនដូចហោះបានជ្រុលទៅបុកក្បលនាពុះចែកទ្រូង ផ្លូវបាក់អស់២កង់ បែករាយពេញផ្លូវរថយន្តបង្កដាច់កាឡេ ខាងឆ្វេងទៅមុខលែងរួចសំណាងល្អ មិនបង្កឲ្យមានអ្នករងរបួស ។
ហេតុការណ៍នេះ កើតឡើងកាលពីវេលាម៉ោង១១និង៣០នាទីយប់អង្គារ ៣កើតខែបុស្សឆ្នាំច សំរឹទ្ធស័ក ព.ស ២៥៦២ ត្រូវនឹងថ្ងៃទី៨ ខែមករា ឆ្នាំ២០១៩ ស្ថិតចំណុចមុខអាកាសយានដ្ឋានអន្តរជាតិភ្នំពេញ តាមបណ្តោយផ្លូវសហពន្ធ័រុស្សី ភូមិក្បលដំរី២ ក្នុងសង្កាត់កាកាប២ ខណ្ឌពោធិសែនជ័យ ។
តាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុគេឃើញបុរសជនជាតិចិនពីរនាក់ស្រវឹងស្រា បើករថយន្តស៊េរីទំនើបមួយគ្រឿងTOYOTA ALPHARD-G ពណ៌ស ពាក់ស្លាកលេខភ្នំពេញ2AX-2081ធ្វើដំណើរទិសដៅពីកើតទៅលិចបោះពួយក្នុងល្បឿនលឿន ដូចហោះលុះមកដល់ចំណុចកើតហេតុខាងលើបានរេចង្កូតមកខាងឆ្វេងដៃជ្រុលទៅបុករបាំងថ្មពុះចែកទ្រូងផ្លូវបាក់អស់ពីរកង់បែករាយពេញផ្លូវចំណែករថយន្តបង្កខ្ទេចផ្នែកខាងមុខខាងឆ្វេង និងបែកកង់ទៅមុខលេងរួច ។ រីឯជនជាតិចិនទាំងពីរនាក់ បានបើកទ្វាររថយន្តចេញគេចខ្លួនចេញពីកន្លែងកើតហេតុបាត់ស្រមោល ។
ក្រោយកើតហេតុ សមត្ថកិច្ចមូលដ្ឋានបានទំនាក់ទំនងទៅសមត្ថកិច្ចជំនាញចុះមកវាស់វែងយករថយន្តបង្កទៅរក្សាទុកនៅការិយាល័យចរាចរណ៍ផ្លូវគោករាជធានីភ្នំពេញរង់ចាំដោះស្រាយគ្នាទៅតាមផ្លូវច្បាប់ ៕ សុខាសែនជ័យ
