សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ឆ្នាំង ៖ សមត្ថកិច្ចកម្លាំងអាវុធហត្ថខេត្តកំពង់ឆ្នាំង បានឃាត់ខ្លួនស្ត្រីម្នាក់ ដែលជាមេកន្ទុយលេខ ដុះស្លែនៅក្នុងក្រុងកំពង់ឆ្នាំង ការឃាត់ខ្លួននេះ ត្រូវបានធ្វើឡើងកាលពីរសៀលថ្ងៃទី៧ ខែមករា ឆ្នាំ២០១៩ នៅចំណុចភូមិម៉ុងបារាំង សង្កាត់ប្អេរ ក្រុងកំពង់ឆ្នាំង ខេត្តកំពង់ឆ្នាំង ។
សមត្ថកិច្ចកងរាជអាវុធហត្ថខេត្តកំពង់ឆ្នាំង បានឲ្យដឹងថា ថៅកែមេកន្ទុយលេខនេះមាន ឈ្មោះ អ៊ីវ សោភា ភេទស្រី អាយុ៥៩ឆ្នាំ រស់នៅភូមិម៉ុងបារាំង សង្កាត់ប្អេរ ក្រុងកំពង់ឆ្នាំង ខេត្តកំពង់ឆ្នាំង ។
ក្នុងពេលឃាត់ខ្លួនសមត្ថកិច្ចដកហូតបានវត្ថុតាងមួយចំនួនរួមមាន ក្រដាស់កត់ឆ្នោតកចំនួន២ដុំ លុយចំនួន៨៧ ០០០រៀល ប៊ិចចំនួន៤ដើមទឹកលុប២ដើមទូរស័ព្ទដៃចំនួន២គ្រឿង កាបូបស្ពាយចំនួន១អត្តសញ្ញាណប័ណ្ណសញ្ជាតិខ្មែរចំនួន១សន្លឹក។
ជនសង្ស័យត្រូវបានសមត្ថកិច្ចកសាងសំណុំរឿងបញ្ជូនទៅសាលាដំបូងខេត្តកំពង់ឆ្នាំង ដើម្បីចាត់ការបន្តទៅតាមនីតិវិធី ៕ ចន្ថា
