ឆេះខ្សែភ្លើងជាប់កាប៊ីន ផ្អើលសមត្ថកិច្ច សំណាងល្អបាញ់អស់៣បំពង់ ភ្លើងរលត់ទៅវិញ

ភ្នំពេញ ៖ ខ្សែភ្លើង ខ្សែកាប្តិ៍ចម្រុះទាំងរមូរ នៅជាប់បង្គោល កាប៊ីនភ្លើង មិនដឹងថា មូលហេតុអ្វី បានជាឆាបឆេះសន្ធោរសន្ធៅឡើង បង្កឲ្យភ័យស្លន់ខ្លាចផ្ទុះដល់កាប៊ីនភ្លើង កាលពីវេលាម៉ោង២និង១៥នាទីរសៀល ថ្ងៃទី២១ ខែមករា ឆ្នាំ២០១៩ ស្ថិតនៅមុខសាលាសង្កាត់ចោមចៅ៣ ផ្លូវជាតិលេខ៤ ភូមិថ្នល់បំបែក សង្កាត់ចោមចៅ៣ ខណ្ឌពោធិសែនជ័យ ។

តាមបរជាពលរដ្ឋ លក់ដូរក្បែរនោះបានឲ្យដឹងថា គាត់ក៏មិនដឹងថាមូលហេតុអ្វីដែរ ឆ្លងចរន្តភ្លើង ឬយ៉ាងណាទេ បែរជាសុខៗ ស្រាប់តែមានអណ្តាតភ្លើងឆាបឆេះ ទើបផ្អើលសមត្ថកិច្ច អាជ្ញាធរ នៅក្បែរនោះយកបំពង់ពន្លត់អគ្គិភ័យចំនួន៣បំពង់មកបាញ់ ទើបភ្លើងរលត់ទៅវិញ ៕ សុខាសែនជ័យ