សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ ម៉ោង០០:១០នាទី រំលងអធ្រាត្រឈានចូល ថ្ងៃទី១ ខែមីនា ឆ្នាំ២០១៩ លើផ្លូវជាតិលេខ៤ ចន្លោះគីឡូម៉ែត្រ ១៩៩-២០០ ស្ថិតនៅភូមិអូរតាសេក ឃុំអូរឧកញ្ញាហេង ស្រុកព្រៃនប់ ខេត្តព្រះសីហនុ មានគ្រោះថ្នាក់ចរាចរណ៍មួយកើតឡើង រថយន្ត ម៉ាក Lexus RX300 មួយគ្រឿង ពណ៌ស ពាក់ស្លាក លេខ កំពត 2B.5007 មានទិសដៅពីខេត្តព្រះសីហនុ ទៅភ្នំពេញ បើកបរ ដោយឈ្មោះ ឆឹង ពៅ ភេទប្រុស អាយុ ៣៧ឆ្នាំ មុខរបរ បើកបររថយន្ត មានទីលំនៅភូមិស្ថោតូច ឃុំអង្គរមាស ស្រុកដងទង់ ខេត្តកំពត មានអ្នករួមដំណើរ ០៣ នាក់ មកដល់ចំណុចខាងលើ ក៏បានរេចង្កូត ធ្លាក់ផ្លូវមកខាងស្ដាំ បុកតូបលក់ឥវ៉ាន់របស់ប្រជាពលរដ្ឋ បណ្ដាលឲ្យរថយន្តក្រឡាប់តែម្ដង ។
គ្រោះថ្នាក់ចរាចរណ៍ខាងលើនេះ បណ្ដាលឲ្យមនុស្ស ៤នាក់ រងរបួស៖
១ .ឈ្មោះ ឆឹង ពៅ ភេទប្រុស អ្នកបើករបរថយន្ត រងបួសស្រាល ។
២.ឈ្មោះ ជួន រៀន ភេទប្រុស អ្នករួមដំណើរ របួសស្រាល ។
៣.ឈ្មោះ គិត ភក្ដី ភេទប្រុស អ្នករួមដំណើរ របួសស្រាល ។
៤.ឈ្មោះ រដ្ឋ វីរៈ ភេទប្រុស អ្នករួមដំណើរ របួសស្រាល ។
បច្ចុប្បន្ន ជនរងគ្រោះបានបញ្ជូនទៅព្យាបាលពេទ្យ ឯកជនមួយឈ្មោះ អមរា ស្ថិតនៅភូមិបត់គគីរ ឃុំបិតត្រាំង ៕ ឆ្លាម សមុទ្រ
