សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ បុរសម្នាក់ដែល គេស្គាល់ថា ជាបគ្គលិកប្រាសាក់ បានស្លាប់ភ្លាមៗ ខណៈជួបករណីគ្រោះថ្នាក់ចរាចរណ៍គួរឲ្យរន្ធត់ ខណៈជិះម៉ូតូប្រើប្រាស់ល្បឿនលឿន ខ្វះការប្រុងប្រយត្ន័ទៅបុកខឿនរង្វង់មូលរូបគោ យ៉ាងពេញទំហឹង បង្កការភ្ញាក់ផ្អើលដល់អ្នកភូមិទាំងយប់ ។
ហេតុការណ៍នេះ បានកើតឡើងកាលពីថ្ងៃ សុក្រ ០៣ កើត ខែ ផល្គុន ឆ្នាំ ច សំរឹទ្ធិស័ក ព.ស ២៥៦២ ត្រូវនឹងថ្ងៃទី៨ ខែមីនា ឆ្នាំ ២០១៩ វេលាម៉ោងរំលងអធ្រាត្រ លើផ្លូវជាតិលេខ ១ ចន្លោះគីឡូម៉ែត្រ លេខ ១២៣ និង១២៤ ស្ថិតក្នុងភូមិ រូបគោ សង្កាត់ ព្រៃឆ្លាក់ ក្រុង ស្វាយរៀង ។
យោងតាមសមត្ថកិច្ចនគរបាលក្រុងស្វាយរៀងបានឲ្យដឹងថាបុរសដែលស្លាប់មានឈ្មោះមុំ វុទ្ធី អាយុ ២៤ ឆ្នាំ មុខរបរ បុគ្គលិក ប្រាសាក់សាខា ស្វាយជ្រំ រស់នៅភូមិ ត្បែង ឃុំ ពោធិ៍រាជ ស្រុក ស្វាយជ្រំ ខេត្ត ស្វាយរៀង ខណៈជិះម៉ូតូម៉ាក ហុងដាសេ ១២៥ ពណ៌ ខ្មៅ ពាក់ស្លាកលេខ ស្វាយរៀង ១I ៩៨៧០ខូចខាតទាំងស្រុង ។
បើតាមសាក្សីបានឲ្យដឹងថា មុនកើតហេតុមានបុរសម្នាក់បានជិះម៉ូតូមួយគ្រឿងម៉ាក ហុងដាសេ ១២៥ ពណ៌ ខ្មៅផ្លូវជាតិលេខ ០១ ចន្លោះគីឡូម៉ែតលេខ ១២៣ និង១២៤ ក្នុងទិសដៅពីកើតទៅលិចដោយប្រើប្រាស់ល្បឿនលឿនខ្វះការប្រុងប្រយត្ន័ ស្រាប់តែទៅបុករង្វង់មូលរូបគោយ៉ាងពេញទំហឹងបង្កការភ្ញាក់ផ្អើលដល់អ្នកភូមិទាំងយប់។
ក្រោយមកអ្នកភូមិបានរាយការណ៍មកសមត្ថកិច្ចមូលដ្ឋានមកកន្លែងកើតហេតុ និងវាស់វែង និងបានប្រគល់សពឲ្យក្រុមគ្រួសារយកទៅធ្វើបុណ្យតាមប្រពៃណីទាំងក្ដុកក្ដួល និងអាឡោះអាឡ័យបំផុត ៕ យឹម សុថាន
