សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរស២នាក់ បើករថយន្តមួយគ្រឿង ក្នុងល្បឿនយ៉ាងលឿន មិនមានការប្រុងប្រយ័ត្ន ដល់ចំណុចផ្លូវកោងជ្រុល បុកម៉ូតូកង់បីបណ្តាលឲ្យក្រឡាប់ ផ្ងារជើងរងរបួសធ្ងន់៥នាក់ រួចជ្រុលទៅបុកដើមឈើ បណ្តាលឲ្យរងការខូចខាត រថយន្តយ៉ាងដំណំ ។
ហេតុការណ៍នេះបានកើតឡើង កាលពីវេលាម៉ោង២ និង១៥នាទីរំលងអធ្រាត្រ ឈានចូលថ្ងៃទី១២ ខែមីនា ឆ្នាំ២០១៩ តាមបណ្តោយផ្លូវ169 នៅចំណុចសួនច្បារក្តាន់ពីរ ស្ថិតនៅក្នុង សង្កាត់មិត្តភាព ខណ្ឌ៧មករា ។
តាមប្រភពព័ត៌មានពីសាក្សីដែលឃើញហេតុការណ៍បានឲ្យដឹងថា មុនពេលកើតហេតុគេបានឃើញបុរស២នាក់បើករថយន្តបង្ក មួយគ្រឿង ម៉ាក ម៉ែកហ្សឺដេស ពណ៌ស ពាក់ស្លាកលេខ ភ្នំពេញ2E-2719 បើកបរតាមបណ្តោយផ្លូវ១៦៩ ក្នុងទិសដៅពីជើងទៅត្បូង ខណៈដែលបើកមកដល់ចំណុច កើតហេតុខាងលើនេះដោយសារតែអ្នករថយន្តបង្កគាត់ស្រវឹង ស្រាហើយបើកក្នុងល្បឿនយ៉ាង លឿនដូចនេះបើកមកដល់ផ្លូវ កោងបួងចង្កូតហើយជាន់ហ្វ្រាំង មិនទាន់ ក៏ជ្រុលទៅបុកគូទម៉ូតូកង់បី ដែលដឹកភ្ញៀវជនជាតិវៀតណាម៥នាក់ចំពេញទំហឹងបណ្តាលឲ្យ ក្រឡាប់ផ្ងារជើងម្ខាងឡើងលើ រងរបួសធ្ងន់បាក់ជើងប្រុសៗ ២នាក់ និងស្រីៗ៣នាក់ទៀតបែកក្បាល សម្លប់ស្តូកស្តឹងភ្លាមៗនោះដែរ រថយន្តបង្កនៅមិនទាន់អស់ល្បឿននោះទេ ក៏ព្យាយាមបន្ថែមល្បឿនបើក ឡើងទៅបុកឃឿនសួនច្បាររួម ថែមទាំងបុកដើមត្របែកព្រៃ បណ្តាលឲ្យបាក់ខូចខាតអស់បន្តិចបន្តួចប៉ុន្តែម្ចាស់រថយន្តនៅតែ ព្យាយាមបើករត់គេចទាំងខូច ខាតរថយន្តបែកកង់មុខក្រោយ និងធ្លាក់កាងមុខទៅរហូតដល់ចំណុចសណ្ឋាគារណានជីង ត្រូវបានសមត្ថកិច្ចប៉ុស្តិ៍មិត្តភាពឃាត់បានទាំងអ្នករួមដំណើរ និងអ្នកបើករថយន្តចំណែកឯជនរងគ្រោះវិញត្រូវបានរថយន្តសង្គ្រោះដឹកយកទៅសង្គ្រោះនៅគ្លីនិកឯកហុងហាក់ផងដែរ ។
ក្រោយពេលកើតហេតុរថយន្ត បង្ក និងម៉ូតូរងគ្រោះត្រូវបាន សមត្ថកិច្ចវាសវែងស្ទូចយកទៅរក្សាទុកនៅការិយាល័យចរាចរណ៍ ផ្លូវគោករង់ចាំដោះស្រាយគ្នានៅពេលក្រោយ ៕ ធឿនព្រែកជ័យ
