សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យ០២នាក់ ត្រូវនគរបាលប៉ុស្តិ៍រដ្ឋបាល ភ្នំពេញថ្មីឃាត់ខ្លួន ក្រោយពីពួកគេបានធ្វើ សកម្មភាពលួចដែកបន្ទះ កាលពីថ្ងៃទី១៥ ខែមីនា ឆ្នាំ២០១៩ វេលាម៉ោង ០២ និង៣០នាទី នៅចំណុចក្នុងការដ្ឋានសំណង់ ផ្លូវ១៩៦៦ ភូមិពោងពាយ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។
ជនសង្ស័យទាំង ០២នាក់ទី ១-ឈ្មោះ សុត ពុធ ភេទប្រុស អាយុ១៨ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅមិនពិតប្រាកដ (មានសារធាតុញៀន) ។ ២-ឈ្មោះ ប៊ូ សុខុម ភេទប្រុស អាយុ២៩ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅមិនពិតប្រាកដ (មានសារធាតុញៀន) ។ ចំណែកជនរងគ្រោះឈ្មោះ ម៉ៅ ពិសី ភេទប្រុស អាយុ២១ឆ្នាំ មុខរបរជាងសំណង់ ស្នាក់នៅក្នុងការដ្ឋានសំណង់ ផ្លូវ១៩៦៦ ភូមិពោងពាយ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។
សម្ភារបន្សល់ទុក ដែកបន្ទះសម្រាប់ចាក់បេតុង ១សន្លឹក និងម៉ូតូសណ្តោងរ៉ឺម៉កស៊េរីចាស់គ្មានលេខ០១គ្រឿង ។
សមត្ថកិច្ចបានឲ្យដឹងថា នៅមុនពេលកើតហតុជនរង គ្រោះកំពុងដេកក្នុងការដ្ឋាន សំណង់ចំណុចកើតហេតុខាងលើ បានឭសំឡេងលើកដែក រួចជនរងគ្រោះបានចេញមក មើល ឃើញមានជនសង្ស័យ០២នាក់ កំពុងលើកដែកបន្ទះខាងលើ ដាក់ក្នុងរ៉ឺម៉កម៉ូតូ ជនរងគ្រោះហៅគ្នាមកជួយឃាត់ ជនសង្ស័យទាំង២នាក់រួចប្រគល់ឲ្យសមត្ថកិច្ចប៉ុស្តិ៍រដ្ឋបាលភ្នំពេញថ្មី សាកសួរតែម្តង ។
បច្ចុប្បន្ន ជនសង្ស័យកំពុងឃាត់ខ្លួននៅ អធិការដ្ឋាននគរបាលខណ្ឌសែនសុខ ដើម្បីអនុវត្តតាមនីតិវិធី ៕តុង សីហា
