សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យមានគ្នា៦នាក់ បានធ្វើសកម្មភាពលួចគាស់ផ្ទះប្រជាពលរដ្ឋលួចទ្រព្យសម្បត្តិសរុបជាទឹកប្រាក់ចំនួន១០០០០ដុល្លារ ខណៈម្ចាស់មិននៅវេលាម៉ោង១៣និង៣០ នាទី ថ្ងៃទី៨ ខែមេសា ឆ្នាំ២០១៩ នៅចំណុចផ្ទះផ្លូវលំភូមិព្រៃសណ្ដែក សង្កាត់ចោមចៅទី ២ ខណ្ឌពោធិ៍សែនជ័យ រាជធានីភ្នំពេញ ក្រោយពីទទួលពាក្យបណ្តឹងរួចសមត្ថកិច្ចស្រាវជ្រាវរហូតឃាត់ខ្លួនជនសង្ស័យ៣នាក់ជាបន្តបន្ទាប់ ។
ជនសង្ស័យទី១ ឈ្មោះ អឹម សុខអ៊ី ភេទប្រុស អាយុ២៤ឆ្នាំ មុខរបរកម្មករសំណង់ ស្នាក់នៅភូមិព្រៃសណ្តែក សង្កាត់ចោមចៅទី ២ ខណ្ឌពោធិ៍សែនជ័យ រាជធានីភ្នំពេញ ។ ជនសង្ស័យទី២ឈ្មោះ ម៉ៅ ជីន ភេទប្រុសអាយុ២៨ឆ្នាំ មុខរបរមិនពិត ស្នាក់នៅ ភូមិព្រៃសណ្តែក សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ ។ ជនសង្ស័យទី៣ឈ្មោះ ស៊ូ ព្រិចអាយុ២៧ឆ្នាំ មុខរបរមិនពិត ស្នាក់នៅភូមិព្រៃសណ្តែកសង្កាត់ចោមចៅទី ២ ខណ្ឌពោធិ៍សែនជ័យ រាជធានីភ្នំពេញ ។ ដកហូត មេគ្រែឈើចំនួន៣ . និងម៉ូតូចំនួន១គ្រឿង ម៉ាក ស៊ុយស៊ីគី និចពណ៌ក្រហម ពាក់ស្លាកលេខ ភ្នំពេញ 1FF8227 ។ ចំណែកជនសង្ស័យ៣នាក់ ឈ្មោះ ថេត ឈ្មោះ ចាន់ និងឈ្មោះ ឆៃ ទាំង៣នាក់ រត់គេចខ្លួន ។ ជនរងគ្រោះឈ្មោះ រ៉ា គន្ធា ភេទស្រី អាយុ៣៩ឆ្នាំ មុខរបរនៅផ្ទះ មានទីលំនៅ ភូមិត្នោតជ្រុំ សង្កាត់បឹងទំពុន ខណ្ឌមានជ័យ ។
តាមសម្តីជនរងគ្រោះបានឲ្យដឹងថា មុនពេលកើតហេតុរួបគាត់បានធ្វើដំណើរចេញពីផ្ទះដោយចាក់សោរត្រឹមត្រូវ ហើយទៅឯទឹកដីខណ្ឌមានជ័យ លុះពេលត្រឡប់មកវិញស្រាប់តែឃើញទ្វារ ត្រូវបានចោរគាស់ចូលលួចទ្រព្យសម្បត្តិមួយចំនួនធំ ដោយសរុបជាទឹកប្រាក់ចំនួន១០០០០ដុល្លារ ។
ជនរងគ្រោះបានបន្តថា ភ្លាមនៅរួបគាត់ក៏បានរត់ទៅដាក់ពាក្យបណ្តឹងនៅប៉ុស្តិ៍នគរបាលដើម្បីជួយអន្តរាគមន៍ ក្រោយពីទទួលពាក្យបណ្តឹងរួចសមត្ថកិច្ចបានធ្វើស្រាវជ្រាវរហូតឃាត់ខ្លួនជនសង្ស័យបានម្នាក់រួច ក៏បន្តទៅឃាត់ខ្លួនចំនួន២នាក់ទៀតជាបន្តបន្ទាប់ ខណៈជនសង្ស័យ៣នាក់ទៀតកំពុងរត់គេចខ្លួន ។
បច្ចុប្បន្នជនសង្ស័យ ត្រូវបានប្រគល់ឲ្យផ្នែកជំនាញ នៃអធិការដ្ឋាន នគរបាលខណ្ឌ ដើម្បីសាកសួរបន្តតាមជំនាញ និងឃុំខ្លួនជាបណ្តោះអាសន្ន ចាត់ការតាមនីតិវិធី ៕ សុខាសែនជ័យ
