សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ យុវជន២នាក់ជិះម៉ូតូឌុបគ្នាក្នុងល្បឿនលឿន ជ្រុលបុករថយន្តហាយឡែនឌ័រពីចំហៀង ពេញទំហឹងបណ្តាលឲ្យរងរបួសធ្ងន់ត្រូវបានរថយន្តសង្គ្រោះ ដឹកទៅមន្ទីរពេទ្យភ្លាមៗ ។
ហេតុការណ៍នេះ បានកើតឡើងកាលពីវេលាម៉ោង៩និង៤០នាទីយប់ ថ្ងៃទី៨ ខែមេសា ឆ្នាំ២០១៩ នៅចំណុចគល់ស្ពានហង្សខាងលិច តាមបណ្តោយផ្លូវសបិត ស្ថិតក្នុងសង្កាត់ទន្លេបាសាក់ ខណ្ឌចំការមន ។
តាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុគេបានឃើញនារីម្នាក់បើករថយន្តម៉ាកហាយឡែនឌ័រ ពណ៌ស ពាក់ស្លាកលេខភ្នំពេញ 2AZ 7974 ធ្វើដំណើរតាមបណ្តោយផ្លូវសបិតក្នុងទិសដៅពីត្បូងទៅជើង ខណៈមកដល់ចំណុចកើតហេតុស្រាប់តែមាន ម៉ូតូម៉ាកហុងដាឌ្រីមសង់ ពណ៌ខ្មៅពាក់ស្លាកលេខ ភ្នំពេញ 1FW 9436 ធ្វើដំណើរចេញពីក្នុងកោះពេជ្យឆ្លងស្ពានហង្សទៅលិចក្នុងល្បឿនលឿន ក៏ជ្រុលបុករថយន្តចំពីចំហៀងពេញទំហឹង បណ្តាលឲ្យរងរបួសធ្ងន់ទាំង២នាក់ត្រូវបានរថយន្តសង្គ្រោះដឹកទៅមន្ទីរពេទ្យភ្លាមៗ ។
ក្រោយពេលកើតហេតុសមត្ថកិច្ចបានចុះមកដល់ចំណុចកើតហេតុ និងវាស់វែងយកទៅរក្សាទុកនៅអធិការដ្ឋាននគបាលខណ្ឌចំកាមនរង់ចាំដោះស្រាយតាមច្បាប់៕ សុខាសែនជ័យ
