សារព័ត៌មាន នគរវត្ត តែងតែនាំមុខគេជានិច្ច
ខេត្តព្រសីហនុ៖ មនុស្សម្នាក់បានស្លាប់ ដោយគ្រោះថ្នាក់ចរាចរណ៍ កាលពីចន្លោះម៉ោង២និង៣០នាទីទៀបភ្លឺ ថ្ងៃទី១១ ខែឧសភា ឆ្នាំ២០១៩ លើផ្លូវជាតិលេខ៤ ចន្លោះគីឡូម៉ែត្រ ១៥៦-១៥៧ ស្ថិតនៅក្នុងភូមិអូរតាហយ ឃុំស្ទឹងឆាយ ស្រុកកំពង់សិលា ខេត្តព្រះសីហនុ ។
សមត្ថកិច្ចបានបញ្ជាក់ថា គ្រោះថ្នាក់ចរាចរណ៍នេះកើតឡើង បង្កដោយ រថយន្ត មិនស្គាល់ម៉ាក (រត់គេចបាត់) បានបុកកិនជនរងគ្រោះស្លាប់នៅនឹងកន្លែងកើតហេតុ ។
សមត្ថកិច្ចអះអាងថា សាកសពខ្ទេចមិនស្គាល់ទាន់អត្តសញ្ញាណ និងមិនដឹងថាជាមនុស្សប្រុសឬ មនុស្សស្រីនៅឡើយទេ ។
បច្ចុប្បន្នសមត្ថកិច្ចជំនាញកំពុងចាត់ចែងតាមនីតិវិធីបន្ត ស្រាវជ្រាវរកអត្តសញ្ញាណ និងរថយន្តបង្ក និងសាវតាជនរងគ្រោះ ៕ ឆ្លាម សមុទ្រ
