សារព័ត៌មាន នគរវត្ត តែងតែនាំមុខគេជានិច្ច
ប្រភពព័ត៌មានបានឲ្យដឹងថា កិច្ចពិភាក្សាស្តីពីពាណិជ្ជកម្ម អាមេរិក -ចិន ត្រូវជាប់គាំងទាំងស្រុង ដោយសារតែភាគីទំាងពីរ នៅតែប្រកាន់ជំហរ រឹងមាំ មិនបន្ធូរបន្ថយ គ្នាទៅវិញទៅមក ។
សារព័ត៌មាន CNBCបានផ្សាយថា មន្ត្រីអាមេរិក និងចិន មិនទាន់អាចរៀបចំ សម្រាប់កិច្ចពិភាក្សា ជាបន្តទៀតនោះឡើយ។ នៅពេលនេះដែរ មិនទាន់ដឹងថា ចិននឹងវិលត្រឡប់ ចូលរួមកិច្ចពិភាក្សាជាមួយអាមេរិកដែរឬទេ ។
នៅពេលនេះដែរ រដ្ឋាភិបាលចិន បានកាត់បន្ថយការនាំចូលសាច់ជ្រូច ពីអាមេរិក ។ ពាក់ព័ន្ធនឹងកិច្ចពិភាក្សានោះដែរ ទីក្រុងប៉េកាំង បានបញ្ជាក់ថា បើអាមេរិកមិនមានភាពស្មោះត្រង់នោះទេ នឹងមិនមានកិច្ចពិភាក្សា ជាបន្តទៀតនោះឡើយ ។
ចិនបានបង្ហាញពីគោលជំហររឹងមាំនៅក្នុងសង្គ្រាមពាណិជ្ជកម្មជាមួយអាមេរិក ដោយរដ្ឋាភិបាលទីក្រុងប៉េកាំងបានបញ្ជាក់ថា ប្រសិនបើទីក្រុងវ៉ាស៊ីនតោន គ្មានភាពស្មោះត្រង់ និងផ្លាស់ប្តូរឥរិយាបទរបស់ខ្លួនទេនោះ នឹងមិនមានកិច្ចពិភាក្សាបន្តទៀតឡើយ។
អ្នកនាំពាក្យក្រសួងការបរទេសចិន លោក Lu Kang បានបញ្ជាក់ថា នឹងមិនមានកិច្ចពិភាក្សាស្តីពីពាណិជ្ជកម្មបន្តទៀតឡើយ បើអាមរិក មិនមានការផ្លាស់ប្តូរពីគោលនយោបាយសេដ្ឋកិច្ចរបស់ខ្លួន ។ លោកបន្តទៀតថា កិច្ចពិភាក្សា និងគ្មានន័យអ្វីនោះឡើយ បើទីក្រុង វ៉ាស៊ីនតោន គ្មានភាពស្មោះត្រង់នោះ ។
អាមេរិក បានជំរុញវិស័យពាណិជ្ជកម្ម ជាមួយចិន ឈានដល់កម្រិតកំពូលនៃភាពតានតឹង ដោយកាលពីថ្ងៃទី១៥ ខែឧសភា អាមេរិកបានប្រកាស ហាមបណ្តាក្រុមហ៊ុនអាមេរិកទិញឧបករណ៍ បច្ចេកវិទ្យា របស់ក្រុមហ៊ុន Huawei ។ សកម្មភាពខាងលើកើតឡើង បន្ទាប់ពីអាមេរិកបានដំឡើងពន្ធលើទំនិញនាំចូលពីចិន តម្លៃជាង២០០ពាន់លានដុល្លារ ។ ចំណែកចិនវិញ ក៏បានដំឡើងពន្ធលើទំនិញនាំចូលពីអាមេរិកតម្លៃ ៦០ពាន់លានដុល្លារផងដែរ ។
ការប្រកាសខាងលើរបស់រដ្ឋាភិបាលចិន ក្រោយពេល មានព័ត៌មានផ្សាយថា លោកត្រាំ ត្រៀមជួបពិភាក្សាជាមួយប្រធានាធិបតីចិន ស៊ី ជីងពីន នៅប្រទេសជប៉ុន ក្រោយកិច្ចប្រជុំ G-20។ ការលើកឡើងខាងលើ របស់ក្រសួងការបរទេសចិន មានន័យថា ជំនួបរវាងលោកត្រាំ នឹងស៊ី ជីងពីន ពិបាកកើតឡើងខ្លាំងណាស់ ៕
