សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ គណៈកម្មាធិការប្រយុទ្ឋប្រឆាំងផលិតផលក្លែងក្លាយដែលបង្កគ្រោះថ្នាក់មានហានិភ័យខ្ពស់ដល់សុខភាព និងសុវត្ថភាពសង្គម ចុះសហការជាមួយកម្លាំងជំនាញនៃអធិការដ្ឋាននគរបាលខណ្ឌទួលគោក ដឹកនាំផ្ទាល់ដោយលោក ចែ សុង ព្រះរាជអាជ្ញារង នៃអយ្យការអមសាលាដំបូង រាជធានីភ្នំពេញ បានចុះត្រួតពិនិត្យទីតាំងលក់គ្រឿងក្រអូមបោះដុំ និងរាយនាំមកពីប្រទេសថៃយីហោឈ្មោះ Ah Chi Leder ។
ប្រតិបត្តិការខាងលើ សមត្ថកិច្ចធ្វើឡើងនារសៀលថ្ងៃព្រហស្បតិ៍ ១១កើត ខែជេស្ឋ ឆ្នាំច ឯកស័ក ព.ស ២៥៦៣ ត្រូវនឹងថ្ងៃទី១៣ ខែមិថុនា ឆ្នាំ២០១៩ នៅទីតាំងដ្ឋានផ្ទះលេខ៧A ផ្លូវលេខ២៦៥ ក្រុម៤៣ ភូមិ១៣ សង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ ដែលមានម្ចាស់អាជីវកម្មមានឈ្មោះ តេង ស៊ីណាត ភេទស្រី អាយុ២០ឆ្នាំ ។
ក្នុងប្រតិបត្តិការនោះសមត្ថកិច្ចចម្រុះមកដល់ទីតាំងខាងលើ បានត្រួតពិនិត្យ ជាក់ស្តែងឃើញមានគ្រឿងសម្អាង ចំនួន ៨ប្រភេទ រួមមាន ៖ ១-ឡេលាបការពារកំដៅថ្ងៃសម្រាប់លាប ពេលព្រឹក(គ្មានម៉ាក)ពណ៌ស ចំនួន១០០ប្រអប់ ។ ២-ឡេលាបការពារកំដៅថ្ងៃសម្រាប់លាបពេលព្រឹក(គ្មានម៉ាក)ពណ៌ស្វាយចំនួន១០០ប្រអប់។ ៣-ឡេលាបស្បែកអោយមាស(គ្មានម៉ាក)ចំនួន៣៥០ប្រអប់។ ៤-ឡេលាបស្បែកអោយមស(គ្មានម៉ាក)ចំនួន២៨០ប្រអប់។ ៥-ឡេលាបស្បែកក្លិនក្រូច(ម៉ាក MAMJI AHA VIT C)ចំនួន២៨ប្រអប់។ ៦-ឡេលាបស្បែកក្លិនCherry (ម៉ាក MAMJI AHA VIT C)ចំនួន១ប្រអប់។ ៧-ស្ក្រាបទឹកដោះគោសម្រាប់ខាត់ស្បែកម៉ាក Gerepu MilkySpa(គ្មានម៉ាក)ចំនួន២៤ប្រអប់។ ៨-ក្រែមលាបបបូរមាត់ម៉ាក LipStick AAA Angkor ពណ៌ក្រហមចំនួន១បំពង់ សរុបស្មើនឹង ៨៩៦ប្រអប់ ។ដើ ម្បីយកទៅ កាន់នាយដ្ឋានប្រយុទ្ធប្រឆាំងផលិតផលក្លែងក្លាល នៃក្រសួងមហាផ្ទៃ ដើម្បីធ្វើការត្រួតពិនិត្យ ។
ក្រោយពីត្រួតពិនិត្យរួចគណៈកម្មការធិការចម្រុះបានពិនិត្យឃើញថា ទីតាំងលក់ដុំ និងរាយគ្រឿងសំអាងមិនបានអនុលោមទៅតាមច្បាប់កំណត់ដូចជា ៖ ១-គ្មានលិខិតអនុញ្ញាតបើកគ្រឹះស្ថានផលិតផលគ្រឿងសម្អាងពីក្រសួងសុខាភិបាល ;២-ផលិតផលគ្រឿងសម្អាងគ្មានចុះប្រវេទន៍ពីក្រសួងសុខាភិបាល ;៣-មិនមានច្បាប់អនុញ្ញាតពីក្រសួងពាណិជ្ជកម្ម ;៤-លាយ និងផ្សព្វផ្សាយលក់រាយ និងបោះដុំ ;៥-នៅលើសំបកពុំមានស្លាកសញ្ញាផលិតផល ។
ក្រោយពីធ្វើកំណត់ហេតុរួចមក សមត្ថកិច្ចបានបិទអាជីវកម្មជាបណ្តោះអាសន្នសិន និងនាំខ្លួនម្ចាស់អាជីវកម្មខាងលើ ទៅលេខាធិការដ្ឋានដើម្បីធ្វើការសាកសួរបន្ត ៕ស តារា
