សារព័ត៌មាន នគរវត្ត តែងតែនាំមុខគេជានិច្ច
ខេត្តឧត្តរមានជ័យ ៖ កាលពីថ្ងៃទី១៣ ខែមិថុនា ឆ្នាំ២០១៩ អាជ្ញាធរថៃ បានបញ្ជូនប្រជាពលរដ្ឋខ្មែរ ចំនួន៤នាក់ត្រឡប់មកវិញឲ្យកម្ពុជា តាមច្រកព្រំដែនជប់គគីរ ដែលស្ថិតនៅក្នុងភូមិជប់គគីរ ឃុំគោកមន ស្រុកបន្ទាយអំពិល ខេត្តឧត្តរមានជ័យ ។
សមត្ថកិច្ចបានឲ្យដឹងថា ពលរដ្ឋខ្មែរចំនួន៤នាក់ ដែលអាជ្ញាធរថៃបញ្ជូនមកនោះមាន ឈ្មោះ ៖
១. ឈ្មោះ ខាំ ផន ភេទប្រុស អាយុ៥២ឆ្នាំ ទីលំនៅភូមិបុស្បមាស ឃុំពពាល ស្រុកបរិបូណ៌ ខេត្តកំពង់ឆ្នាំង។
២. ឈ្មោះ ខុម ហៃ ភេទប្រុស អាយុ៣៥ឆ្នាំ ទីលំនៅភូមិអូរជីក ឃុំផ្អៅ ស្រុកអន្លង់វែង ខេត្តឧត្តរមានជ័យ។
៣. ឈ្មោះ ស៊ុយ តាំងអន ភេទប្រុស អាយុ៣១ឆ្នាំ ទីលំនៅភូមិអូរជីក ឃុំផ្អៅ ស្រុកអន្លង់វែង ខេត្តឧត្តរមានជ័យ។
៤. ឈ្មោះ ជិត ហ៊ីម ភេទប្រុស អាយុ២១ឆ្នាំ ទីលំនៅភូមិអូរជីក ឃុំផ្អៅ ស្រុកអន្លង់វែង ខេត្តឧត្តរមានជ័យ។
ប្រជាពលរដ្ឋទាំង៤នាក់ ចាប់ខ្លួនថ្ងៃទី១៥ ខែកញ្ញា ឆ្នាំ២០១៧ ពីបទលួចឆ្លងដែនកាប់ឈើគ្រញូងក្នុងដីថៃ ជាប់ពន្ធនាគារ រយៈពេល២០ខែ នៅស្រុកណាំងរ៉ង ខេត្តបុរីរ៉ាំ ប្រទេសថៃ ចូលតាមច្រកចម្ការគរ ខេត្តបន្ទាយមានជ័យ ខាងថៃ តំបន់ខនបូរី ឃុំសឺសាង ស្រុកឡាំឆិ ខេត្តនគររាជសីមា ។
ក្រោយពីសមត្ថកិច្ចប្រចាំការនៅច្រកជប់គគីរ បានធ្វើការណែនាំអប់រំរួច ក៏អនុញ្ញាតឲ្យត្រឡប់ទៅលំនៅឋានវិញ ៕ ប៉ែន នួន
