សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់រួមដំណើរ និងស្រ្តីជាប្រពន្ធ និងកូនតូចម្នាក់បើករថយន្តហុីយ៉ាន់ដាយ ស្តារុិច មួយគ្រឿង ឆ្លងផ្លូវខ្វះកាប្រុងប្រយ័ត្នត្រូវបានយុវជនបីនាក់ជិះម៉ូតូមួយគ្រឿងចាប់ហ្វ្រាំងមិនទាន់ជ្រុលទៅបុកបញ្ឆិតផ្នែកខាងមុខ ដួលបោកនឹងថ្នល់រងបួសជើងម្ខាង និងមុខធ្ងន់ម្នាក់ ចំណែកពីរនាក់ទៀតរងបួសស្រាល ។
ហេតុការណ៍នេះកើតឡើងកាលពីវេលាម៉ោង១០និង១០នាទីយប់ ថ្ងៃទី២៧ ខែមិថុនាឆ្នាំ២០១៩ ស្ថិតនៅតាមបណ្តោយផ្លូវកម្ពុជាក្រោមកែងនឹងផ្លូវ២២៥ ក្នុងសង្កាត់ផ្សារដេប៉ូ២ ខណ្ឌទួលគោក ។
តាមប្រភពព័ត៌មានពីកន្លែង កើតហេតុបានឲ្យដឹងថាមុនកើតគេឃើញប្តីប្រពន្ធពីរនាក់រួមដំណើរនិងកូនតូចម្នាក់ទៀត បើករថយន្តហុីយ៉ាន់ដាយ ស្តារុិចមួួយគ្រឿង ពណ៌ទឹកប្រាក់ ពាក់ស្លាកលេខភ្នំពេញ 2AW-3750 ធ្វើដំណើរតាមបណ្តោយផ្លូវ២២៥ទិសដៅដីពីត្បូងទៅជើង ខណៈមកដល់ផ្លូវកម្ពុជាក្រោម ចំណុចកើតហេតុខាងលើ ក៏មានម៉ូតូមួយគ្រឿងម៉ាក ឌ្រីមសង់ ស៊េរី២០១៦ ពណ៌ខ្មៅពាក់ស្លាកលេខ កណ្តាល1T-2095 ធ្វើដំណើរតាមបណ្តោយផ្លូវកម្ពុជាក្រោមទិសដៅពីលិចទៅកើតចាប់ហ្វ្រាំងមិនទាន់ជ្រុលទៅបុកបញ្ឆិតរថយន្តផ្នែកខាងមុខដួលបោកនឹងថ្មល់រងរបួសជើងម្ខាង និងមុខធ្ងន់ម្នាក់ និងពីរនាក់ទៀតរងបួសស្រាល ។
ក្រោយកើតហេតុសមត្ថកិច្ចមូលដ្ឋានបានចុះមកដល់កន្លែងកើតហេតុដោយភាគីទាំងសងខាងសុំសម្របសម្រួលគ្នាដោយភាគីខាងរថយន្តបានចេញសំណងចំនួន១៨០ដុល្លាទៅឲ្យខាងភាគីម៉ូតូដើម្បីបញ្ចប់រឿងនៅនឹងកន្លែងកើតហេតុ ។ ចំណែកជនរងគ្រោះរងបួសធ្ងន់ត្រូវបានមិត្តភក្តិដឹកតាមម៉ូតូទៅសង្គ្រោះដោយខ្លួនឯង ៕ សុខាសែនជ័យ
