សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ឆ្នាំង ៖ អ្នកបើកត្រាក់ទ័របានរងរបួសធ្ងន់ សន្លប់ស្តូកស្តឹង បន្ទាប់ពីបើកត្រាក់ទ័ររេចង្កូតធ្លាក់ចូលប្រឡាយ ហេតុការណ៍នេះ បានកើតឡើងកាលពីវេលាម៉ោង ១០ និង ៣០នាទីព្រឹក ត្រូវនឹងថ្ងៃទី ២៧ ខែមិថុនា ឆ្នាំ ២០១៩ នៅចំណុចចុងភូមិចំបក់ប្រាសាទ ឃុំក្រាំងស្គារ ស្រុកទឹកផុស ខេត្តកំពង់ឆ្នាំង។
សមត្ថកិច្ចបានឲ្យដឹងថា ជនរងគ្រោះមានឈ្មោះ មានឈ្មោះសៀន ទ្រីអាយុ ៤៥ឆ្នាំមានស្រុកកំណើតនៅខេត្តពោធិ៍សាត់ មកស៊ីឈ្នួលភ្ជួរស្រែ ឲ្យអ្នកភូមិបានរងរបួសធ្ងន់ ។
ពីប្រជាពលរដ្ឋនៅនឹងកន្លែងកើតហេតុបាន ឲ្យដឹងថា នៅវេលាកើតហេតុបុរសដែលជាតៃកុងត្រាក់ទ័រនោះបានបើកត្រាក់ទ័រ ទៅភ្ជួរស្រែឲ្យគេ នៅពេលដល់ចំណុចកើតហេតុ ស្រាប់តែអ្នកបើកបរត្រាក់ទ័របានបើករេចង្កូតជ្រុលទៅធ្លាក់ប្រឡាយ បណ្តាលឲ្យត្រាក់ទ័រនេះ ក្រឡាប់ជាច្រើនត្រឡប់ ហើយអ្នកបើកបរប៉ើងខ្ទាតទៅលើផ្លូវសន្លងប់ស្តូកស្តឹង ក្រោយពេលកើតហេតុជនរងគ្រោះត្រូវដឹកយកមកសង្រ្គោះនៅមន្ទីរបង្អែកខេត្តកំពង់ឆ្នាំង ៕ ចន្ថា
