សារព័ត៌មាន នគរវត្ត តែងតែនាំមុខគេជានិច្ច
បច្ចុប្បន្នព្រៃឈើនៅលើពិភពលោកថយចុះយ៉ាងខ្លាំង ដោយសារតែរតម្រូវការរស់នៅរបស់ពលរដ្ឋ និងកាប់ព្រៃឈើយកដីធ្វើកសិកម្ម សាងសង់លំនៅឋានជាដើម ។ ក្រៅពីនេះ នៅមានគ្រោះធម្មជាតិ និងភ្លើងឆេះព្រៃ បានរួមចំណែក ធ្វើឲ្យព្រៃឈើពិភពលោកត្រូវបាត់បង់ ។
នៅពេលនេះដែរ អង្គការយូណេស្កូ បានសម្រេចដាក់ព្រៃឈើ ឈ្មោះ Hyrcanian របស់អ៊ីរ៉ង់ ចូលក្នុងបញ្ជីបេតិភណ្ឌពិភពលោក ។ គណៈកម្មាធិការបេតិកភណ្ឌពិភពលោក របស់អង្គការយូណេស្កូ បានបោះឆ្នោតកាលពីថ្ងៃសុក្រ ទី៥ ខែកក្កដា ឆ្នាំ២០១៩ ដាក់បញ្ចូលព្រៃឈើ Hyrcanian របស់ប្រទេសអ៊ីរ៉ង់ ទៅក្នុងបញ្ជីសម្បត្តិបេតិកភណ្ឌពិភពលោក និងបានស្ងើចសរសើរតំបន់ព្រៃឈើនេះថា ជាទីជម្រកសម្រាប់សត្វជីវចម្រុះ ដែលគួរឲ្យកត់សម្គាល់ថែមទៀតផង ។
យោងតាមអង្គការពិភពលោកមួយនេះ បានឲ្យដឹងថា ព្រៃឈើតំបន់ត្រូពិចបុរាណមួយនេះ ស្ថិតនៅភាគខាងជើងរបស់ប្រទេសអ៊ីរ៉ង់ មានចម្ងាយប្រហែល៨៥០គីឡូម៉ែត្រ ស្ថិតនៅតាមបណ្ដោយឆ្នេរសមុទ្រ កាសព្យែន Caspian Sea ។
អង្គការយូណេស្កូបានបញ្ជាក់ថា “ជីវចម្រុះរបស់ព្រៃឈើ Hyrcanian មានលក្ខណៈគួរឲ្យកត់សម្គាល់” ។ ប្រជាជនអ៊ីរ៉ង់ប្រហែល៤៤ភាគរយបានស្គាល់ថា រុក្ខជាតិដែលជាសរសៃឈាម ត្រូវបានរកឃើញនៅក្នុងព្រៃឈើមួយនេះ ។
ប្រភពបញ្ជាក់ថា ព្រៃឈើដែលមានអាយុកាល៥០លានឆ្នាំនេះ ក៏ជាជម្រករបស់សត្វខ្លារខិនប្រភេទ Persian ផងដែរ ព្រមទាំងជាជម្រកថនិកសត្វជិត៦០ប្រភេទ និងបក្សាបក្សី១៦០ប្រភេទផងដែរ ។
ការសម្រេចដាក់បញ្ចូលព្រៃឈើអ៊ីរ៉ង់ខាងលើនេះ កើតឡើងនៅពេលដែលគណៈកម្មការបេតិកភណ្ឌពិភពលោករបស់អង្គការយូណេស្កូ បានជួបប្រជុំគ្នានៅទីក្រុង Baku ប្រទេស Azerbaijan ។ ព្រៃឈើរបស់ប្រទេសចិនមួយទៀត ក៏ត្រូវបានប្រកាសដាក់បញ្ចូលក្នុងបញ្ជីបេតិភណ្ឌពិភពលោកផងដែរអំឡុងពេលជាមួយគ្នានេះ ។
កាលពីបីឆ្នាំមុនអង្គការយូណេស្កូក៏បានដាក់ចូលក្នុងបញ្ជីជាសម្បត្តិបេតិភណ្ឌពិភពលោកផងដែរ នូវវាលខ្សាច់របស់ប្រទេសអ៊ីរ៉ង់ គឺវាលខ្សាច់ Lut ដែលស្ថិតនៅភាគនិរតីប្រទេស ។ ដូច្នេះ៣ឆ្នាំកន្លងមកនេះ អ៊ីរ៉ង់មានសម្បត្តិបេតិភណ្ឌសរុប២ ហើយដែលយូណេស្កូបានប្រកាសដាក់ចូលក្នុងបញ្ជី ។
ប្រទេសសាធារណរដ្ឋអ៊ីស្លាមមួយនេះ ក៏នៅមានទីតាំងវប្បធម៌ចំនួន២២ទៀត ស្ថិតនៅក្នុងបញ្ជឺបេតិកភណ្ឌពិភពលោក ក្នុងនោះរួមមានរតនវត្ថុ ប្រាសាទសម័យចក្រភព Persian គឺប្រាសាទ Persepolis ជាដើម ៕
