សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ៖ បុរស២នាក់ ផឹកស៊ីទំនាស់សំដីប្រើអំពើហិង្សាដោយចេតនាប្រើអាវុធ នៅ ថ្ងៃទី៩ ខែកក្កដា ឆ្នាំ២០១៩ វេលាម៉ោង២០និង៥០នាទី នៅភូមិបារាយណ៍ ឃុំក្រយា ស្រុកប្រាសាទបល្ល័ង្ក ខេត្តកំពង់ធំ ។
សមត្ថកិច្ចបានឲ្យដឹងថា ជនសង្ស័យឈ្មោះ កែវ រតនះ ភេទប្រុស អាយុ២៨ឆ្នាំ នៅភូមិត្រើងឃុំម្កាក់ ស្រុកអង្គស្នូល ខេត្តកណ្តាល (មេការធ្វើផ្លូវចាក់កៅស៊ូ) បានយកកាំបិតបុ័ងតោ កាប់ទៅលើឈ្មោះ អិត ដេន ភេទប្រុស អាយុ៣៧ឆ្នាំ នៅភូមិមេសាង ឃុំព្រៃរំដេង ស្រុកមេសាង ខេត្តព្រៃវែង (ជាតៃកុងឡានចាក់កៅស៊ូ) បណ្តាលឲ្យរបួសចំក្បាល ក្រោមក្លៀកខាងឆ្វេង និងក្រោមដោះខាងស្តាំរបួសធ្ងន់ ។
មូលហេតុ ស្រវឹងស្រាជម្លោះពាក្យសំដី ។
ក្រោយកើតហេតុសមត្ថកិច្ចបានឃាត់ខ្លួនជនសង្ស័យយកទៅសួរនាំ និងចងក្រងសំណុំរឿងបញ្ជូនបន្ដដើម្បីចាត់ការតាមផ្លូវច្បាប់ ៕ ប៊ុនរិទ្ធី
