សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ម៉ូតូកង់បី១គ្រឿង ត្រូវបានប្រជាពលរដ្ឋប្រទះឃើញត្រាំនៅក្នុងប្រឡាយទឹកស្អុយមួយកន្លែង បង្កឲ្យមានការភ្ញាក់ផ្អើលកាលពីវេលាម៉ោង៦ព្រឹក ថ្ងៃទី១៦ ខែកក្កដា ឆ្នាំ២០១៩ ស្ថិតនៅតាមផ្លូវ៣០ម៉ែត្រ ភូមិព្រៃកំបុត សង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ ។
តាមប្រភពព័ត៌មានបានឲ្យដឹងថា ម៉ូតូកង់បី១គ្រឿងខាងលើនោះ ពណ៌សពាក់ស្លាកលេខ ភ្នំពេញ 1HP-2781 ហើយពុំមានការបែកបាក់អ្វីឡើយ ហើយមិនត្រូវបានគេដឹងថា ជាកម្មសិទ្អិរបស់នរណាម្នាក់នៅឡើយ ។ នៅមុនពេលមាមការភ្ញាក់ផ្អើល ប្រជាពលរដ្ឋដែលធ្វើដំណើរឆ្លងកាត់តាមផ្លូវនោះ បានប្រទះឃើញម៉ូតូកង់បី១គ្រឿងនេះ ត្រាំនៅក្នុងប្រឡាយទឹកស្អុយដែលមើលឃើញតែដំបូល តែប៉ុណ្ណោះ ។
ប្រភពដដែលបានបន្តថា ខណៈនោះប្រជាពលរដ្ឋបានរាយការណ៍ទៅកាន់កម្លាំងប្រជាការពារសង្កាត់ និងភូមិឲ្យចុះទៅពិនិត្យមើលឃើញជាក់ស្ដែង ទើបរាយការណ៍បន្តជូនទៅនគរបាលប៉ុស្តិ៍ចោមចៅ២ ឲ្យចុះទៅពិនិត្យមើល និងស្ទូចលើកយកកង់បីនេះចេញពីក្នុងទឹក ។ ពេលនោះដោយសង្ស័យខ្លាចមានមនុស្សស្លាប់នៅក្នុងទឹកនោះទើប នាំគ្នាចុះរាវរកមើលនៅក្បែរៗនោះផងដែរ ប៉ុន្តែមិនបានឃើញមានអ្នកស្លាប់នោះឡើយ ។ បន្ទាប់មកនគរបាលបានស្ទូចលើកយកកង់បីនោះចេញពីក្នុងទឹក ព្រមទាំងបានចុះរាវរកមើលនៅក្បែរៗនោះផងដែរ ប៉ុន្តែមិនបានឃើញមានមនុស្សណាម្នាក់ស្លាប់នៅក្នុងទឹកនោះឡើយ ទើបក្រោយមកនគរបាលនាំយកទៅរក្សាទុកនៅប៉ុស្តិ៍ចោមចៅ២ដើម្បីស្រាវជ្រាវរកម្ចាស់និមូលហេតុដែលធ្លាក់ទឹកនេះ ៕ សុខាសែនជ័យ
