សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ៖ បុរសទុរគតជនម្នាក់ដេកស្លាប់យ៉ាងអាណោចអាធ័ម កាលពីវេលាម៉ោង៦និង០០នាទី ថ្ងៃព្រហស្បត្តិ៍ ៣រោច ខែអាសាឍ ឆ្នាំកុរឯស័ក ព.ស ២៥៦៣ ត្រូវនឹងថ្ងៃទី១៩ ខែកក្កដា ឆ្នាំ២០១៩ នៅចំណុចខ្ទមចម្ការស្វាយរបស់ឈ្មោះ កេត ធីម ចម្ងាយប្រហែល១០០០ម៉ែត្រ ពីភូមិទូកពី ឃុំគគីរធំ ស្រុកបារាយណ៍ ខេត្តកំពង់ធំ ។
សមត្ថកិច្ចបានឲ្យដឹងថា សពឈ្មោះ យួម ម៉ៅ ភេទប្រុសអាយុ៤៦ឆ្នាំ មុខរបរចាំចម្ការ ស្នាក់នៅកន្លែងកើតហេតុមានទីលំនៅភូមិរការឃុំស្រយ៉ូវ ក្រុងស្ទឹងសែន ខេត្តកំពង់ធំ ។
ក្រោយទទួលព័ត៌មានកម្លាំងជំនាញអធិការដ្ឋាននគរបាលស្រុកបារាយណ៍ បានសហការជាមួយកម្លាំងប៉ុស្តិ៍នគរបាលរដ្ឋបាលប៉ុស្តិ៍ឃុំគគីរធំ និងអាជ្ញាធមូលដ្ឋានចុះពិនិត្យកន្លែងកើតហេតុ និងសាកសព ក្នុងការពិនិត្យមិនមានស្លាកស្នាមអ្វីគួរឱ្យកត់សម្គាល់ឡើយនិងមិនមានពាក់ព័ន្ធនឹងអំពើរល្មើសណាមួយទេ ។ រួចសន្និដ្ឋាន ការដេកស្លាប់នេះ គឺដោយសារកើតខ្យល់គរ គាំងបេះដូង ។
សមត្ថកិច្ចបញ្ជាក់ថា មូលេហតុដោយសារជនរងគ្រោះ ផឹកស្រាស្រវឹងជាប្រចាំ មិនមានចំណីអាហារក្នុងខ្លួនរួចបានប្រគល់សាកសពជូនម្ចាស់ចម្ការឈ្មោះ កេត ធីម ធ្វើបុណ្យតាមប្រពៃណី ៕ ប៊ុនរិទ្ធី
