សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បើករថយន្តតូយូតាព្រូសមួយគ្រឿងបត់ត្រឡប់ក្រោយ ខ្វះការប្រុងប្រយ័ត្នត្រូវបានយុវជនពីរនាក់ ជិះម៉ូតូលឿនចាប់ហ្វ្រាំងមិនទាន់ បុកពេញទំហឹង ផ្ទប់ជាប់គ្នារបណ្តាលឲ្យរងរបួសធ្ងន់ទាំងពីរនាក់ ។
ហេតុការណ៍នេះកើតឡើងកាពីវេលាម៉ោង១យប់រំងអាធ្រាត្រឈានចូលថ្ងៃទី៣០ ខែកក្កដា ឆ្នាំ២០១៩ ស្ថិតចំណុចមុខការ៉ាស់សាំងតូតាល់ តាមបណ្តោយផ្លូវសហពន្ធ័រុស្សី ក្នុងសង្កាត់កាកាបទី១ ខណ្ឌពោធិសែនជ័យ ។
តាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុគេឃើញបុរសម្នាក់បើករថយន្តមួយគ្រឿងម៉ាក តូយូតាព្រូសពណ៌ទឹកប្រាក់ ពាក់ស្លាកលេខ ភ្នំពេញ 2AX-0626 ធ្វើដំណើរទិសដៅពីលិចទៅកើត លុះមកដល់ចំណុចកើតហេតុខាងលើ បានបត់ឆ្វេងដៃបំណងត្រឡប់ក្រោយទៅទិសខាងលិចវិញ ខណៈនោះ ក៏មានយុវជនពីរនាក់ជិះម៉ូតូមួយគ្រឿងម៉ាកហុងដាឌ្រីមសង់ ស៊េរី២០១៨ ពណ៌ខ្មៅពាក់ស្លាកលេខស្វាយរៀង 1K 3200 ធ្វើដំណើរបញ្ច្រាសទិសដៅ ពីកើតទៅលិច ចាប់ហ្វ្រាំងមិនទាន់ ជ្រុលបុកចំហៀងរថយន្តខាងមុខផ្នែកខាងស្តាំ ពេញទំហឹងបណ្តាលឲ្យម៉ូតូផ្ទប់ជាប់ជាមួយរថយន្ត និងរងបួសធ្ងន់ទាំងពីរនាក់ត្រូវបានរថយន្តសង្គ្រោះបន្ទាន់ដឹកយកទៅសង្គ្រោះភ្លាមៗ ។ ចំណែកម្ចាស់រថយន្តបានគេចខ្លួនចេញពីកន្លែងកើតហេតុបាត់ស្រមោល ។
ក្រោយកើតហេតុ សមត្ថកិច្ចមូលដ្ឋានបានចុះមកដល់បានទំនាក់ទំនងទៅសមត្ថកិច្ចជំនាញចុះមកវាស់វែងយករថយន្ត និងម៉ូតូទៅរក្សាទុកនៅអធិការដ្ឋាននគរបាលខណ្ឌពោធិសែនជ័យរង់ចាំដោះស្រាយគ្នាទៅតាមផ្លូវច្បាប់ ៕ សុខាសែនជ័យ
