សារព័ត៌មាន នគរវត្ត តែងតែនាំមុខគេជានិច្ច
ខេត្តឧត្តរមានជ័យ ៖ កម្លាំងអាវុធហត្ថស្រុកអន្លង់វែងចំនួន៦នាក់ និង កងរាជអាវុធហត្ថ២០៤ ចំនួន០២នាក់ ដឹកនាំដោយលោកអនុសេនីយ៍ឯក ចាន់ ភា មេបញ្ជាការរងអាវុធហត្ថស្រុក និងជាមេស្នាក់ការកងរាជអាវុធហត្ថ ២០៤ កាលពីវេលាម៉ោង២២និង៤០នាទីយប់ ថ្ងៃទី០៥ ខែសីហា ឆ្នាំ២០១៩ បានចុះបង្ក្រាបករណីយុវជនទំនើង(វាយតប់គ្នា) មូលហេតុ ស្រវឹងស្រា នៅចំណុច ភូមិជើងភ្នំ ឃុំត្រពាំងប្រិយ៍ ស្រុកអន្លង់វែង ខេត្តឧត្តរមានជ័យ ។
លោក អនុសេនីយ៍ឯក ចាន់ ភា មេបញ្ជាការរងអាវុធហត្ថស្រុក បានឲ្យដឹងថា យវុជន ដែលកម្លាំងអាវុធហត្ថឃាត់ខ្លួនចំនួន០២នាក់ខាងលើមានឈ្មោះដូចខាងក្រោម ៖
១/ឈ្មោះ ឈឿន ភារុណ ភេទប្រុស អាយុ២៥ឆ្នាំ មុខរបរមិនពិតប្រាកដ រស់នៅភូមិ/ឃុំ កើតហេតុខាងលើ ។
២/ឈ្មោះ សួង វាសនា ភេទប្រុស អាយុ៣៣ឆ្នាំ មុខរបរធ្វើចម្ការ រស់នៅភូមិឃុំដូចខាងលើ ។
បច្ចុប្បន្ន កងរាជអាវុធហត្ថស្រុក បានធ្វើការអប់រំនិងកិច្ចសន្យា រួចហើយបានឲ្យទៅលំនៅឋានវិញ៕ ប៉ែន នួន
