សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ បុរសម្នាក់បានបែកក្បាលស្លាប់គួរឲ្យអាណោចអាធម័ បន្ទាប់ជិះម៉ូតូសុខៗត្រូវរថយន្តមួយគ្រឿង មិនចាំម៉ាកបុកប៉ើងប្រមាណ៥ម៉ែត្រកាលពីវេលាម៉ោង១ និង១០នាទីយប់រំលងអធ្រាត្រ ឈានចូលថ្ងៃទី៧ ខែសីហា ឆ្នាំ២០១៩ ស្ថិតតាមបណ្ដោយផ្លូវហាណូយ កែងនឹងផ្លូវ១០០៩ ក្នុងសង្កាត់ភ្នំពេញថ្មី ខណ្ឌសែនសុខ ។
សពរងគ្រោះមានឈ្មោះ ទេព បញ្ញា ភេទប្រុស អាយុ២៤ឆ្នាំ មុខរបជាងកញ្ចក់ ស្នាក់ភ្នំពេញថ្មី ខណ្ឌសែនសុខ ។
យោងតាមប្រភពពីកន្លែងកើតហេតុបានឲ្យដឹងថាមុនពេលកើតហេតុគេឃើញរថយន្តមួយគ្រឿងមិនចាំម៉ាកធ្វើដំណើរក្នុងទិសដៅពីជើងទៅត្បូងបោះពួយយ៉ាងលឿន ខណៈមកដល់ចំណុចកើតហេតុខាងលើបានបត់ឆ្វេង ជ្រុលទៅបុកម៉ូតូវីវ៉ាពណ៌ខ្មៅមិនមានស្លាកលេខ ជិះដោយបុរសម្នាក់ពីត្បូងទៅជើងពេញទំហឹងបណ្ដាលឲ្យបុរសម្នាក់បោកក្បាល និងផ្លូវថ្នល់ស្លាប់គួររន្ធត់ហើយរថយន្តបង្ករព្យាយាមបើករត់គេចបាត់ស្រមោល ។
ក្រោយកើតហេតុសមត្ថកិច្ចជំនាញខណ្ឌចុះមកធ្វើកំណត់ហេតុរួចប្រគល់សពឲ្យក្រុមគ្រួសារយកទៅធ្វើបុណ្យតាមប្រពៃណី ។
ដោយឡែកម៉ូតូរងគ្រោះត្រូវសមត្ថកិច្ចយកទៅរក្សាទុកនៅអធិការដ្ឋានសែនសុខរង់ចាំសាច់ញ្ញាតិ យកឯកសារ និងប្រគល់ជូនម្ចាស់វិញ៕ តុង សីហា
