សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កម្លាំងនគរបាលខណ្ឌមានជ័យឃាត់ខ្លួនជនសង្ស័យម្នាក់ ពាក់ព័ន្ធករណីលួចម៉ូតូមួយគ្រឿងកាលពីថ្ងៃទី៧ ខែសីហា ឆ្នាំ២០១៩ ម៉ោង៧ និង៣០នាទី នៅចំណុចក្រោមស្ពានអាកាសស្ទឹងមានជ័យ មុខផ្ទះលេខ B៨៣ ផ្លូវ២៧១ ភូមិមានជ័យ១ សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ ។
សមត្ថកិច្ចបានឲ្យដឹងថា ជនសង្ស័យឈ្មោះ អ៊ូ គឹមស្រៀង អាយុ២០ឆ្នាំ ជនជាតិខ្មែរ ទីលំនៅផ្ទះជួល ផ្លូវលំ ភូមិមានជ័យ១ សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ មុខរបរមិនពិតប្រាកដ (ឃាត់ខ្លួនមានផ្ទុកសារធាតុញៀន) ។
ចំណែកជនរងគ្រោះឈ្មោះ មាស ស៊ីនួន ភេទស្រី អាយុ២២ឆ្នាំ ជនជាតិខ្មែរ ទីលំនៅផ្ទះជួល ផ្លូវលំ ភូមិត្នោតជ្រុំ សង្កាត់បឹងទំពន់ទី២ ខណ្ឌមានជ័យ រាជធានី ភ្នំពេញ មុខរបរបុគ្គលិកហាងយីហោ ស្ពែកប័រហ្គ័រ ។
សមត្ថកិច្ចបានឲ្យដឹងថា មុនពេលកើតហេតុកាលពីថ្ងៃទី០៧ ខែសីហា ឆ្នាំ២០១៩ ម៉ោង៧ និង៣០នាទី ជនរងគ្រោះឈ្មោះ មាស ស៊ីនួន បានជិះម៉ូតូមួយគ្រឿងហុងដាម៉ាកនិច ពណ៌ក្រហម ផលិតឆ្នាំ២០១៤ ពាក់ស្លាកលេខ ភ្នំពេញ 1CB-3619 មកលេងផ្ទះបងប្រុសឈ្មោះ មាស វិឆៃ នៅក្រោមស្ពានអាកាសស្ទឹងមានជ័យ ផ្ទះលេខB៨៣ ផ្លូវ២៧១ ភូមិមានជ័យ១ សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ (ចំណុចកើតហេតុ) ពេលមកដល់ជនរងគ្រោះឈ្មោះ មាស ស៊ីនួន បានចាក់សោរកម៉ូតូចតទុកនៅមុខផ្ទះ រួចចូលទៅក្នុងផ្ទះអង្គុយលេងពេលនោះជនសង្ស័យឈ្មោះ អ៊ូ គឹមស្រៀង បានដើរមកធ្វើសកម្មភាពយកដែកចុងស្រួចកាច់សោរកម៉ូតូរបស់ជនរងគ្រោះបញ្ឆេះជិះគេចខ្លួន តែជនរងគ្រោះឈ្មោះ មាស ស៊ីនួន បានចេញមកឃើញទាន់ក៏បានស្រែកឆោឡោឡើងទន្ទឹងមនោះកម្លាំងល្បាតនគរបាលប៉ុស្តិ៍ស្ទឹងមានជ័យទី១ បានដេញចាប់ឃាត់ខ្លួនជនសង្ស័យឈ្មោះ អ៊ូ គឹមស្រៀង យកមកសាកសួរនៅស្នាក់ការនគរបាលប៉ុស្តិ៍ស្ទឹងមានជ័យទី១តែម្តង ។
វត្ថុតាងចាប់យក៖ ម៉ូតូមួយគ្រឿងម៉ាកនិច ពណ៌ក្រហម ផលិតឆ្នាំ២០១៤ ពាក់ស្លាកលេខ ភ្នំពេញ 1CB-3619 (ជារបស់ជនរងគ្រោះឈ្មោះ មាស ស៊ីនួន ) និងសោរទីបលេខ៨មានរុំស្កុតខ្មៅ ចំនួន០១(ជារបស់ជនសង្ស័យឈ្មោះ អ៊ូ គឹមស្រៀង) ។
បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌមានជ័យ ដើម្បីកសាងសំណុំរឿងចាត់បន្តតាមនីតិវិធី ៕ ជ្រោយពេជ្រ
