សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង៉ធំ៖ ស្រ្ដីចំណាស់ម្នាក់ ឆក់ខ្សែភ្លើងស្លាប់ក្រោយពីដោតព្រីភ្លើងបូមទឹកមិនបានដក ។ ហេតុការណ៍នេះបានកើតឡើងកាលពីវេលាម៉ោង៩:០០នាទីព្រឹក ថ្ងៃទី១៧ ខែសីហា ឆ្នាំ២០១៩ នៅភូមិបល្ល័ង្កកើត សង្កាត់ដំរីជាន់ ខ្លា ក្រុងស្ទឹងសែន ខេត្តកំពង់ធំ ។
សមត្ថកិច្ចបានឲ្យដឹងថា សពឈ្មោះ សោម គូ ភេទស្រី អាយុ៦៨ឆ្នាំ នៅភូមិបល្ល័ង្កកើត សង្កាត់ដំរីជាន់ ខ្លា ក្រុងស្ទឹងសែន ខេត្តកំពង់ធំ ។
តាមដំណើររឿង:ជនរងគ្រោះបានដោតព្រីភ្លើងបូមទឹកបោកខោអាវ ពេលបូមហើយមិនបានដកឌុយភ្លើងចេញពីព្រីភ្លើងទេហើយបានមូរខ្សែភ្លើងយកមកទុក ស្រាប់តែប៉ះចំខ្សែចាស់បែកសំបកចេញ សសៃលួស ដោយកណ្តុរកាត់ ដូច្នេះទើបបណ្តាលឆ្លងចរន្តភ្លើងឆក់ ហើយត្រូវបានក្រុមគ្រួសារយកមកសង្គ្រោះនៅមន្ទីរពេទ្យខេត្ត កំពង់ធំ តែអកុសលបានស្លាប់ នៅម៉ោង១០និង៣០នាទីព្រឹក ។
ក្រោយទទួលព័ត៌មាន សមត្ថកិច្ចជំនាញ និងប៉ុស្តិ៍រដ្ឋបាលដំរីជាន់ខ្លា បានចុះដល់កន្លែងកើតហេតុ និងពិនិត្យសពដោយបានសួនាំកូន និងក្រុមគ្រួសារសព បាន បព្ជាក់ថា៖ ជនរងគ្រោះគឺពិតជាស្លាប់ដោយសារខ្សែភ្លើងឆក់ពិតប្រាកដមែន រួចសន្និដ្ឋានថា ស្លាប់ដោយ សារឆក់ចរន្តអគ្គិសនីមូលហេតុ: ជនរងគ្រោះ មូរ ខ្សែភ្លើងទាំងខ្សែនៅកំពុងផ្ទុកចរន្ត ចំចំណុចរយះបណ្តាលឲ្យឆ្លងចរន្តឆក់ស្លាប់តែម្តង រួចបានប្រគល់សព ជូនក្រុមគ្រួសារចាត់ចែងធ្វើបុណ្យតាមប្រពៃណី ៕ ប៊ុនរិទ្ធី
