សារព័ត៌មាន នគរវត្ត តែងតែនាំមុខគេជានិច្ច
កម្លាំងទាហានជើងទឹកអាមេរិក និងចូលរួម ធ្វើសមយុទ្ធជាមួយប្រទេសក្នុងតំបន់អាស៊ាន ជាលើកដំបូង ។ នេះជាលើកទីមួយហើយ ក្នុងប្រវត្តិសាស្ត្រ ដែលកងកម្លាំងយោធាអាមេរិក នឹងចូលរួមធ្វើសមយុទ្ធរួមគ្នា ជាមួយកម្លាំងទាហានជើងទឹករបស់បណ្តាប្រទេសជាសមាជិកអាស៊ាន ។
សារព័ត៌មាន Deutsche Welle របស់អាល្លឺម៉ង់ នៅថ្ងៃទី២៧ ខែសីហា បានផ្សាយថា សមយុទ្ធនេះ នឹងចាប់ផ្តើមពីថ្ងៃទី២-៧ ខែកញ្ញា ។ ទាហានជើងទឹកអាមេរិក និង នាវាចម្បាំងរបស់១០ប្រទេសតំបន់អាស៊ាន និងធ្វើសមយុទ្ធ ចាប់ផ្តើមឡើងនៅថ្ងៃទី២ ខែកញ្ញា នៅទីតាំងរបស់កម្លាំងទាហានជើងទឹក ក្នុងខេត្ត Chonda ប្រទេសថៃ ។ ទីតាំងខាងលើ នាវាចម្បាំងប្រទេសទាំង១១ រួមទាំងអាមេរិក នឹងធ្វើដំណើរដល់ខេត្ត កាម៉ាវ នាភាគខាងត្បូង នៃប្រទេសវៀតណាម ដែលជាតំបន់ធ្វើសមយុទ្ធដ៏សំខាន់បំផុត ។ ឯកអគ្គរដ្ឋទូតអាមេរិកប្រចាំនៅប្រទេសថៃ បានបញ្ជាក់ថា គោលដៅ នៃការធ្វើសមយុទ្ធ គឺជួយការសុវត្ថិភាពដែនសមុទ្រផងដែរ ។
សមយុទ្ធរបស់កម្លាំងទាហានជើងទឹកអាមេរិក និងប្រទេសអាស៊ាន ធ្វើឡើង ស្របពេលទំនាក់ទំនងជាមួយចិន កាន់តែអាក្រក់ឡើង ។ លើសពីនេះទៅទៀត ចិន និង វៀតណាម ក៏មានវិវាទ និងគ្នា នៅក្នុងតំបន់សមុទ្រចិនខាងត្បូង ផងដែរ ។ ប៉ុន្តែសមយុទ្ធនេះ មិនពាក់ព័ន្ធទៅ និងស្ថានភាពនយោបាយ នៅក្នុងតំបន់ឡើយ ពិសេសនោះ គឺវិវាទសមុទ្រចិនខាងត្បូង៕
ក្រុមអ្នកវិភាគរបស់អូស្ត្រាលី បានលើកឡើងថា ប្រសិនបើសង្គ្រាមផ្ទុះឡើង រវាងអាមេរិក និង ចិន នៅក្នុងតំបន់អាស៊ីមែននោះ អាមេរិកអាំច និងចាញ់ប្រៀបចិន ដោយសារតែចិនបានបង្កើនវត្តមានយោធា ជាច្រើន នៅក្នុងតំបន់អាស៊ី ។ មួយវិញទៀត គេអាចនិយាយបានថា តំបន់អាស៊ី គឺជាភូមិសាស្ត្ររបស់ចិនទៅហើយ៕
