សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសជនជាតិចិនម្នាក់ បានជិះម៉ូតូកង់បីចេញ ខារ៉ាអូខេ ត្រូវបានជនសង្ស័យចំនួន២នាក់ បានជិះម៉ូតូមកធ្វើសកម្មភាពឆក់យកទូរសព្ទ័ ដៃ បណ្តាលអោយជនរងគ្រោះធ្លាក់ពីលើម៉ូតូ បោកក្បាលហូរឈាម ស្លាប់ពេលបញ្ជូនទៅសង្គ្រោះនៅមន្ទីពេទ្យ ។
ហេតុការណ៍នេះបានកើតឡើងនៅវេលាម៉ោង៩និង៣០នាទីយប់ ថ្ងៃទី២៩ ខែសីហា ឆ្នាំ២០១៩ ជិតសាលាបឋមសិក្សា ទួលស្លែង ផ្លូវ១៧៣ កែងនឹងផ្លូវ ៣១០ សង្កាត់ទួលស្វាយព្រៃ១ ខណ្ឌបឹងកេងកង ។
សពជនរងគ្រោះ ដែលជាជនជាតិចិន មិនទាន់ស្គាល់អត្តសញ្ញាណនៅឡើយទេ ។
តាមសម្ដី បុរសជាអ្នករត់ម៉ូតូកង់បីឥណ្ឌា បានអោយដឹងថា មុនពេលកើតហេតុ រូបគាត់ បានដឹកបុរសជនជាតិ ចិនចេញពីម្តុំ ខារ៉ាអូខេ អេកូ គោលបំណងទៅ ម្តុំអូឡាំពិក ដោយបានធ្វើដំណើរតាមផ្លូវ ១៧៣ ក្នុងទិសដៅពី លិចទៅកើត ខណៈមកដល់ចំណុចកើតហេតុ ស្រាប់តែលេចមុខ បុរសជាជនសង្ស័យ២នាក់ បានជិះម៉ូតូ មិនស្គាល់ម៉ាក់ បានមកជែងខាងស្តាំ ហើយបានធ្វេីសកម្មភាព ឆក់ទាញ់យកទូរសព័្ទរបស់ជនរងគ្រោះ ម៉ាក អាហ្វូន អ៊ិច បណ្តាលអោយ ជនរងគ្រោះជា ជនជាតិចិន ធ្លាក់ពីលើម៉ូូតូកង់បី បោកក្បាល ហូរឈាម សន្លប់ស្តូកតែម្ដង ហើយភ្លាមៗនោះដែរ ជនរងគ្រោះត្រូវរថយន្តដឹកយកទៅសង្គោះនៅមន្ទីរពេទ្យ តែពេលដល់មន្ទីរពេទ្យ ជនរងគ្រោះក៏បានដាច់ខ្យល់ស្លាប់បាត់ ។
ចំណែកជនសង្ស័យបានរត់គេបាត់ ដោយយកទូរសព័្ទរបស់ជនរងគ្រោះទៅ ជាមួយផងដែរ ។
ក្រោយពេលកើតហេតុ សពជនរងគ្រោះ ត្រូវបានរថយន្តដឹកយកទៅ តម្កល់ទុកនៅវត្តស្ទឹងមានជ័យ ដេីម្បី រង់ចាំ ខាងសមត្ថកិច្ចជំនាញ់ទំនាក់ទំនងរកសាច់ញាតិ ៕ សុខាសែនជ័យ
