សារព័ត៌មាន នគរវត្ត តែងតែនាំមុខគេជានិច្ច
ចាប់តាំងពីប្រធានាធិបតីហ្វីលីពីន លោកDuterte ឡើងកាន់តំណែង លោកបាន ងាកទៅរកប្រទេសចិន ដើម្បីពង្រឹងសេដ្ឋកិច្ចជាតិ ដោយទុកវិវាទ តំបន់សមុទ្រចិនខាងត្បូង ម្ខាងសិន។ មិនតែប៉ុណ្ណោះ លោក ក៏មានបំណងទុកសាលក្រមតុលាការយុត្តិធម៌អន្តរជាតិស្តីពីវិវាទសមុទ្រចិនខាងត្បូង ដើម្បីខួងយករ៉ែប្រេងនៅសមុទ្រដែលមានវិវាទ។
សកម្មភាពខាងលើ របស់លោក បានបានធ្វើឲ្យ អនុប្រធានាធិបតី ហ្វីលីពីន រិះគន់ដល់ គម្រោងបោះបង់សាលក្រមតុលាការស្តីពីសមុទ្រចិនខាងត្បូង។ អនុប្រធានាធិបតីហ្វីលីពីន នៅថ្ងៃទី១២ ខែកញ្ញា បានរិះគន់យ៉ាងខ្លាំង ដល់ ប្រធានាធិបតី Duterte ដែលមានបំណងទុកសាលក្រមតុលាការស្តីពីសមុទ្រចិនខាងត្បូងទៅម្ខាងដើម្បី ឈានដល់កិច្ចព្រមព្រៀង ខួងយករ៉ែរួមគ្នាជាមួយចិន។
អនុប្រធានាធិបតីហ្វីលីពីន លោកស្រី Leni Robredo ក៏ជាមេដឹកនាំបក្សប្រឆាំង បានចាត់ទុក គម្រោង ទុកសាលក្រមតុលាការយុត្តិធម៌ អន្តរជាតិទៅម្ខាងគឺជា រឿងមិនអាចទទួលយកបាន ជាការខ្វះភាព ទទួលខុសត្រូវ និងការពារដែនអធិបតេយ្យភាព ជាតិ។ ការលើកឡើងរបស់លោកស្រី ក្រោយពេល ដែលប្រធានាធិបតី Duterte បានយល់យោគចំពោះទីក្រុងប៉េកាំង ក្នុងវិវាទសមុទ្រចិនខាងត្បូង ក៏ដូចជាគម្រោង ខួងយកថាមពលប្រេងនៅក្នុងតំបន់សមុទ្រវិវាទ ។
លោកស្រី Leni Robredo បានបង្តទៀតថា រាល់កិច្ចព្រមព្រៀង ណាមួយមិនអាច យកតម្លៃ ប្រទេសជាតិទៅដោះដូរនិងផលប្រយោជន៍នោះឡើយ។ លោកស្រី Leni Robredo បន្តទៀតថា «ដើម្បីអនាគត់ភ្លើងស្វាងជាងនេះ កូនចៅយើង គឺជាកតព្វកិច្ច ដ៏សំខាន់ បំផុត និងលំបាកបំផុត សម្រាប់រដ្ឋាភិបាល និមួយៗ ។ ការប្តូរអនាគត់ ដើម្បីតែផលប្រយោជន៍បច្ចុប្បន្ន គឺជារឿង អាម៉ាស់បំផុតសម្រាប់រដ្ឋាភិបាលបច្ចុប្បន្ន»។
តំណែងអនុប្រធានាធិបតី របស់លោកស្រី Leni Robredo មិនមែនជាការតែងតាំងជ្រើសរើស ពីប្រធានាធិបតីនោះឡើយ គឺជាការបោះឆ្នោត ដាច់ដោយឡែក។ លោកស្រី មានទំនាក់ទំនងមិនល្អជាមួយប្រធានាធិបតី តាំងពីដើមមក ដោយសារតែគោលនយោបាយខ្វែងកំនិត្យគ្នា ៕
