រថយន្តក្រុងរបស់ក្រុមហ៊ុន រិទ្ធមុន្នី ដឹកអ្នកដំណើរ បើកបុករថយន្តម៉ាកកាមរីឆ្លាមបណ្ដាលឲ្យស្លាប់តៃកុងម្នាក់

ខេត្តសៀមរាប៖ គ្រោះថ្នាក់ចរាចរណ៍រវាងរថយន្តក្រុងរបស់ក្រុមហ៊ុន រិទ្ធមុន្នីដឹកអ្នកដំណើរ បើកបុករថយន្តម៉ាកកាមរីឆ្លាមបណ្ដាលឲ្យស្លាប់តៃកុងម្នាក់ហេតុការណ៍នេះបានកើតវេលាម៉ោង០៦,០០នាទី ថ្ងៃទី០១ ខែតុលា ឆ្នាំ២០១៩នៅលើកំណាត់ផ្លូវជាតិលេខ០៦ នៅក្នុងចំណុចភូមិខ្ចាស់ ឃុំខ្ចាស់ ស្រុកសូទ្រនិគមន៏ ខេត្តសៀមរាប ។

សមត្ថកិច្ចបានឲ្យដឹងថាករណីនេះគឺរថយន្ដបើកបរបរបញ្ច្រាសទិសគ្នា រថយន្ដក្រុងម៉ាកហ៊ីយិនដាយ ពណ៌ខៀវ លាយស ពាក់ស្លាកលេខភ្នំពេញ3C6856 អ្នកបើកបររត់គេចខ្លួន បើកបុក រថយន្តម៉ាកកាមរីឆ្លាម ពណ៍សំបកឪឡឹក ពាក់ស្លាកលេខកំពង់ចាម2A3083 បើកបរដោយឈ្មោះសឿង ភា ភេទប្រុអាយុ ៤២ឆ្នាំ (ស្លាប់) ជានាយប៉ុស្តិ ឃុំប្រាសាទ ស្រុកសន្ទុក ខេត្តកំពង់ធំ មានទីលំនៅភូមិពុកយុក ឃុំស្រយ៉ូវ ក្រុងស្ទឹងសែន ខេត្តកំពង់ធំ ។

ក្រោយកើតហេតុសមត្ថកិច្ចបានចុះវាស់វែងធ្វើកំណត់ហេតុ ប្រមូលវត្ថុតាង រថយន្តរៀបចំស្ទូចយកទៅទុកកន្លែង អធិការដ្ឋាននគរបាលស្រុកសូទ្រនិគមរង់ចាំដោះស្រាយគ្នាតាមច្បាប់៕សសម