ស្គាល់ហើយ អត្តសញ្ញាណសពទាំង៥នាក់ ករណីក្រឡាប់រថយន្ត នៅចំណុចផ្លូវកោងព្រៃរហ៊ូ ក្រុងស្ទឹងសែន

ខេត្តកំពង់ធំ៖ ស្គាល់ហើយ អត្តសញ្ញាណសពទាំង៥នាក់ ករណីក្រឡាប់រថយន្ត កាលពីព្រឹកថ្ងៃទី០២ ខែតុលា ឆ្នាំ២០១៩ នៅចំណុចផ្លូវកោងព្រៃរហ៊ូនិងសេរីវង្ស N6 (ផ្លូវអាស៊ានវាងក្រុង) ភូមិព្រៃតាហ៊ូ សង្កាត់ព្រៃតាហ៊ូ ក្រុងស្ទឹងសែន ខេត្តកំពង់ធំ។

១/អ្នកបើកបររថយន្តឈ្មោះ ឌុច ច័ន្ទវល្ខណ៍ ភេទស្រី អាយុ ២៦ឆ្នាំ នៅភូមិទី៦ សង្កាត់បឹងកេងកងទី២ ខណ្ឌចំការមន រាជធានីភ្នំពេញ។

២/អ្នករួមដំណើរឈ្មោះ អួន ចាន់ធារី ភេទស្រី អាយុ ៣៤ឆ្នាំ រស់នៅភូមិទី៤ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ។

៣/អ្នករួមដំណើរឈ្មោះ ឡាច ស្រីម៉ុម ភេទស្រី អាយុ ២៦ឆ្នាំ រស់នៅភូមិជំរៅ ឃុំពារាម ស្រុកបាទី ខេត្តតាកែវ។

៤/អ្នករួមដំណើរឈ្មោះ ស ធារី ភេទស្រី អាយុ ១៧ឆ្នាំ រស់នៅភូមិជាយស្បៃ ឃុំកកោះ ស្រុកសន្ទុក (ស្លាប់នៅមន្ទីពេទ្យខេត្តកំពង់ធំ)។

៥/អ្នករួមដំណើរមិនស្គាល់អត្តសញ្ញាណ។

សមត្ថកិច្ចបានឲ្យដឹងថា ករណីនេះ បង្កដោយរថយន្តម៉ាកកាមរីបាឡែន ពណ៌ស ពាក់ស្លាកលេខ ភ្នំពេញ២AS:៦៧១៥ ខ្លួនឯង ដោយបើកបរក្នុងទិសដៅពីត្បូងទៅជើងក្នុងល្បឿនលឿន ហើយមកដល់ចំនុចផ្លូវកោងរថយន្តបួងចង្កូតមិនទាន់ ក៏បណ្តាលឲ្យរេចង្កូចមកធ្វេងធ្លាក់ផ្លូវក្រឡាប់តែម្តង៕