សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ យុវជន២នាក់ជិះម៉ូតូម៉ាកនិចមួយគ្រឿងឌុបគ្នាមិនមានស្លាកលេខតាមដងផ្លូវស្រាប់តែប្រទះឃេីញកម្លាំងនគរបាលល្បាត ក៏ព្យាយាមជិះម៉ូតូគេចខ្លួនតែត្រូវនគរបាលឃាត់ជាប់ម្នាក់ចំណែកម្នាក់ទៀតលោតចុះរត់គេចខ្លួនបាត់ ។
ហេតុការណ៍នេះ បានកេីតឡេីង កាលពីវេលាម៉ោង១២និង១៥នាទី ថ្ងៃទី០៣ ខែតុលា ឆ្នាំ២០១៩ នៅភូមិត្រពាំងថ្លឹង៤ សង្កាត់ចោមចៅ១ ខណ្ឌពោធិសែនជ័យ ។
យុវជនដែលត្រូវឃាត់ខ្លួនឈ្មោះ ទឹម ខៃ ភេទប្រុស អាយុ១៧ឆ្នាំ មុខរបរគ្មាន មានទីលំនៅ ភូមិឫស្សី សង្កាត់ស្ទឹងមានជ័យ៣ ខណ្ឌមានជ័យ ដកហូតបានម៉ូតូមួយគ្រឿង ម៉ានិច ពណ៌ស ស៊េរី២០២០ អត់ស្លាកលេខ ។ ចំណែកម្នាក់ទៀតរត់គេចខ្លួនបាត់ ។
តាមសមត្ថកិច្ចបាឲ្យដឹងថា មុនកើតហេតុ ខណៈដែលកម្លាំងល្បាតរបស់ប៉ុស្តិ៍ចោមចៅ១ ចោមចៅ២ ចេញល្បាតក្នុងមូលដ្ឋាន ប្រទះឃើញ យុវជន២នាក់ ជិះម៉ូតូមួយគ្រឿងអត់ស្លាកលេខ ត្រង់ចំណុចផ្លូវចោមចៅ មុខផ្សារត្រពាំងថ្លឹង ហើយគ្រាន់តែក្រឡេកប៉ូលិស បែជាបើករត់គេច ទើបសង្ស័យដេញតាម យុវជនម្នាក់លោតចុះរត់គេច ចាប់បានម្នាក់និងម៉ូតូមួយគ្រឿង ។
យុវជនឃាត់ខ្លួនបានម្នាក់ នាំទៅសាកសួរនៅប៉ុស្តិ៍នគរបាលចោមចៅ១ និងបន្តតាមនីតិវិធី ៕សុខាសែនជ័យ
