រថយន្តដឹកត្រី បើកបុករថយន្តដឹកមី បណ្តាលឲ្យរងការខូចខាតយ៉ាងដំណំ

ភ្នំពេញ៖ ករណីគ្រោះថ្នាក់ចរាចរណ៍មួយបាន កើតមានឡើរវាងរថយន្តដឹកត្រី និងរថយន្តដឹកមីបុកគ្នាពេញទំហឹង បណ្តាលឲ្យរងការខូចខាតកាលពី វេលាម៉ោង៤និង០៥នាទីទៀបភ្លឺ ឈានចូលថ្ងៃទី៨ ខែតុលា ឆ្នាំ២០១៩ តាមបណ្តោយផ្លូវជាតិលេខ៥នៅ ចំណុចក្បែរស្ថានីយទូរទស្សន៍ CTN ស្ថិតនៅក្នុងសង្កាត់គីឡូម៉ែតលេខ៦ ខណ្ឌឫស្សីកែវ រាជធានីភ្នំពេញ ។

តាមប្រភពព័ត៌មានពីសាក្សីដែល ឃើញហេតុការណ៍
បានឲ្យដឹងថាមុនពេលកើតហេតុ គេបានឃើញ២នាក់ប្តីប្រពន្ធបើក រថយន្តដឹកមីមួយគ្រឿងម៉ាក ហ៊ីយ៉ាន់ដាយពណ៌ស ពាក់ស្លាកលេខ ភ្នំពេញ 3A-4999 បើកបរតាមបណ្តោយផ្លូវជាតិ លេខ៥ក្នុងទិសដៅពីជើងទៅត្បូង ទើបតែដឹកមី មកពីខេត្តសៀមរាប ពេលបើកមកដល់ចំណុចកើតហេតុ បានបត់ឆ្វេងដើម្បីចូលទៅក្នុងឃ្លាំង ត្រូវរថយន្តកូរ៉េដឹកត្រីមួយគ្រឿងបើកដឹកត្រីមកពីព្រែកព្នៅយកត្រីទៅឲ្យ ម៉ូយនៅឯតាខ្មៅបើកបរតាម បណ្តោយផ្លូវជាតិលេខ៥ក្នុងទិស ដៅពីជើងទៅត្បូងបើកក្នុង ល្បឿនយ៉ាងលឿន ខ្វះការប្រុងប្រយ័ត្នអកហ្សើ ចាប់ហ្វ្រាំងមិនទាន់មួយណាមេឃ កំពុងតែភ្លៀងផងនោះ ក៏ជ្រុលបុកចំកង់រថយន្តដឹកមីចំ ពេញទំហឹងបណ្តាលឲ្យខ្ទេចខូចខាត អស់មួយចំហៀងខាងស្តាំសំណាង ល្អអ្នករួមដំណើរ២នាក់នោះរងរបួសស្រាលមិនបានក្រោយហេតុការណ៍ គ្រោះថ្នាក់រថយន្តបុកគ្នារួចមកស្រាបតែមានម៉ូតូកូរ៉េ ដឹកសាច់ជ្រូកមួយគ្រឿងបើក បញ្ច្រាសទិសដៅទៅបុកនិងម៉ូតូហុងដាវេវមួយគ្រឿងពណ៌ ក្រហមពាក់ស្លាកលេខពោធិ៍សាត់ 1F-0546 បើកបរស្របទិសដៅ ក៏បុកគ្នាជាមួយម៉ូតូដឹកសាច់ជ្រូក យ៉ាងពេញទំហឹងបណ្តាលឲ្យដួល អាណូកអាណែលពេញផ្លូវ របួសស្រាល ។

ក្រោយពេលកើតហេតុរថយន្តបង្ក និងរថយន្តរងគ្រោះត្រូវបានសមត្ថកិច្ចវាស់វែងស្ទូចយកទៅរក្សាទុកនៅ ការិយាល័យចរាចរណ៍ផ្លូវគោករង់ចាំដោះស្រាយគ្នានៅពេលក្រោយ ៕ ធឿនព្រែកជ័យ