សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ លោកវរសេនីយ៍ទោហួ យ៉ៃអធិការនគរបាលស្រុកព្រៃនប់ឲ្យដឹងថា នៅថ្ងៃទី៩ ខែតុលា ឆ្នាំ២០១៩ វេលាម៉ោង២២និង៤០នាទីយប់ កម្លាំងជំនាញអធិការដ្ឋាននគរបាលស្រុកព្រៃនប់ បានចុះបង្ក្រាបករណីគ្រឿងញៀន នៅចំណុច គល់ស្ពានកំពង់ស្មាច់ ស្ថិតក្នុងភូមិបឹងវែង ឃុំវាលរេញ ស្រុកព្រៃនប់ ខេត្តព្រះសីហនុ ឃាត់ខ្លួនជនសង្ស័យម្នាក់ ។
សមត្ថកិច្ចបន្តថា ជនសង្ស័យ ឈ្មោះ អ៊ុន ប៉ូច ភេទប្រុស អាយុ៣៤ឆ្នាំ មានទីលំនៅ ភូមិសំរុងលើ ឃុំសំរុង ស្រុកព្រៃនប់ ខេត្តព្រះសីហនុ មុខរបរកម្មករ ។
ប្រភពបន្តថា សមត្ថកិច្ចបានដកហូត វត្ថុតាងរួមមាន ម្សៅសារធាតុញៀនចំនួន៧កញ្ចប់(ធំ១កញ្ចប់ និង តូច៦កញ្ចប់) និងទូរស័ព្ទដៃចំនួន ១គ្រឿង បច្ចុប្បន្នសមត្តកិច្ចកំពុងកសាងសំណុំរឿងបញ្ចូនទៅសាលាដំបូងដើម្បីចាត់ការតាមច្បាប់ ៕ ឆ្លាម សមុទ្រ
