សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ យុវជនម្នាក់បានស្លាប់ភ្លាមៗនៅកន្លែងកេីតហេតុនិងម្នាក់ទៀតរងរបួសស្រាល ខណៈពួកគេជិះម៉ូតូឌុបគ្នាល្បឿនលឿនមិនប្រយ័ត្នជ្រុលបុករថយន្តកុងតឺន័រពីក្រោយពេញទំហឹងកាលពីវេលាម៉ោង១០និង៣០នាទីយប់ថ្ងៃទី១០ ខែតុលាឆ្នាំ២០១៩ នៅចំណុចផ្លូវលេខ២៧១កែងផ្លូវ៣៧១ ស្ថិតក្នុងសង្កាត់ផ្សារដេីមថ្កូវ ខណ្ឌចំការមន។
ជនរងគ្រោះឈ្មោះគឹម សីហា ភេទប្រុសអាយុ២៣ឆ្នាំ ស្នាក់នៅភូមិព្រៃជីសាក់ សង្កាត់ចោមចៅទី៣ ខណ្ឌពោធិ៍សែនជ័យ។
តាមសាក្សីនៅកន្លែងកេីតហេតុបានឲ្យដឹងថា មុនពេលកេីតហេតុគេបានឃេីញរថយន្តកុងតឺន័រមួយគ្រឿងក្បាលពណ៍លឿង សណ្តោងកន្ទុយ ពាក់ស្លាកលេខព្រះសីហនុ4A 2369 ធ្វេីដំណេីរតាមបណ្តោយផ្លូវលេខ២៧១ ក្នុងទិសដៅពីកេីតទៅលិចខណះមកដល់ចំណុចកេីតហេតុស្រាប់តែមានម៉ូតូម៉ាកNex ពណ៍ស ពាក់ស្លាកលេខភ្នំពេញ1CU 4351 បេីកបរដោយយុវជនម្នាក់និងមានយុវជនម្នាក់ទៀតរួចដេីរជាមួយធ្វេីដំណេីរមកពីក្រោយក្នុងល្បឿនលឿនមិនប្រយ័ត្នក៏ជ្រុលបុកគូទរថយន្តពេញទំហឹងបណ្តាលឲ្យអ្នកបេីកបរស្លាប់ភ្លាមៗនៅកន្លែងកេីតហេតុចំណែកម្នាក់ទៀតរងរបួសស្រាល។
សាក្សីបន្តថា ភ្លាមនោះរថយន្តកុងតឺន័រខាងលេីបានព្យាយាមបេីករត់រហូតជិតដល់ផ្សារបេសេទេីបនគរបាលឃាត់ជាប់។
ក្រោយកេីតហេតុសមត្ថកិច្ចបានចុះទៅដល់ចំណុចកេីតហេតុនិងទំនាក់ទំនងទៅនគរបាលជំនាញមកធ្វេីការវាស់វែងយករថយន្តនិងម៉ូតូទៅរក្សាទុកនៅការិយាល័យចរាចរណ៍ជេីងគោករាជធានីភ្នំពេញរងចាំដោះស្រាយតាមច្បាប់ចំណែកសពត្រូវបានប្រគល់ឲ្យក្រុមគ្រួសារមកទទួលទៅធ្វេីបុណ្យតាមប្រពៃណី៕ សុខាសែនជ័យ
