សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ មានការភ្ញាក់ផ្អើលទាំងព្រឹក ខណៈអ្នកភូមិប្រទះឃើញបុរសម្នាក់ដេកស្លាប់ ក្នុងទឹកស្រែ ទើបរាយការណ៍មកសមត្ថកិច្ចភ្លាមៗ មកពិនិត្យសាកសព ។
ហេតុការណ៍នេះ បានកើតឡើងនៅថ្ងៃទី១៤ ខែតុលា ឆ្នាំ២០១៩វេលាម៉ោង ៦និង៣០នាទីព្រឹក ស្ថិតត្រង់ចំណុចភូមិត្រោក ឃុំកំពង់ចំឡង ស្រុកស្វាយជ្រំ ខេត្តស្វាយរៀង ។
បើតាមសមត្ថកិច្ចនគរបាលស្រុកស្វាយជ្រំបានឲ្យដឹងថា បុរសដែលស្លាប់ខាងលើមានឈ្មោះ គង់ ហុង (ហៅក្ដុង) អាយុ៥៤ឆ្នាំ មុខរបរ កសិករ រស់នៅភូមិត្រោក ឃុំកំពង់ចំឡង ស្រុកស្វាយជ្រំ ។
បើតាមអ្នកភូមិបានឲ្យដឹងថា បុរសនេះគឺតែងតែផឹកស្រាជាប្រចាំ មិនលស់ថ្ងៃណាឡើយ ដោយក្រុមគ្រួសារបានហាមឃាត់ កុំឲ្យផឹកស្រា ប៉ុន្តែនៅមិនស្ដាប់ ទើបលែងសូវរវីរវល់ ។
ប្រភពបន្តថា មុនកើតហេតុ មានក្មេងឃ្វាលក្របីម្នាក់បានដើរកាត់វាលស្រែ ស្រាប់តែប្រទះឃើញបុរសខាងលើនេះ ដេកស្លាប់ក្នុងទឹកស្រែ ទើបបង្កការភ្ញាក់ផ្អើល និងរាយការណ៍មកសមត្ថកិច្ចមូលដ្ឋាន ។
បន្ទាប់ពីសមត្ថកិច្ចជំនាញ និងគ្រូពេទ្យបានពិនិត្យទើបសន្និដ្ឋានថា គឺស្លាប់ដោយឈ្លក់ទឹកស្រែ ខណៈផឹកស្រាជោក ដោយមិនមានស្លាកស្នាមជារឿងឃាតកម្មអ្វីនោះទេ ។
បច្ចប្បន្នសាកសពត្រូវបានសមត្ថកិច្ចប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី ៕ យឹម សុថាន
