សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ ជនសង្ស័យម្នាក់ ត្រូវបានសមត្ថកិច្ចនគរបាល ប៉ុស្តិ៍រដ្ឋបាលឃាត់ខ្លួន បន្ទាប់ពីផឹកស្រាស្រវឹង ហើយប្រើហិង្សាវាយទៅស្ត្រីរងគ្រោះដោយមូលហេតុខឹងបាត់ទូរសព្ទ័ មិនដឹងជ្រុះទៅកន្លែងណា ។
ហេតុការណ៍នេះបានកើតឡើង កាលពីវេលាម៉ោង៥និង៣០នាទីល្ងាច ថ្ងៃទី១៧ ខែតុលា ឆ្នាំ២០១៩ នៅចំណុចភូមិរោងដំរី ឃុំស្វាយចេក ស្រុករំដួល ខេត្តស្វាយរៀង ។
យោងតាមសមត្ថកិច្ចនគរបាល ស្រុកបានឲ្យដឹងថា ជនសង្ស័យមានឈ្មោះឯម ភាស់ ភេទប្រុស អាយុ៣២ឆ្នាំ មុខរបរកសិករ រស់នៅភូមិរោងដំរី ឃុំស្វាយចេក ស្រុករំដួល ។
ចំណែកស្ត្រីរងគ្រោះមាន ឈ្មោះ សូ វ៉េត អាយុ២៩ឆ្នាំ រស់នៅភូមិ ឃុំជាមួយគ្នា ដោយត្រូវជនសង្ស័យវាយមួយដៃចំកណ្ដាលមុខ បណ្ដាលឲ្យរងរបួស ។
តាមអ្នកភូមិបានឲ្យដឹងថា មុនកើតហេតុ គេឃើញជនសង្ស័យ ផឹកស្រាស្រវឹង ហើយក៏បានត្រឡប់មកផ្ទះវិញ ដោយអាការមួរម៉ៅ ខឹងបាត់ទូរសព្ទ័ ក៏រករឿងស្ត្រីរងគ្រោះ ក្បែរភូមិជាមួយគ្នា ឈានដល់ប្រើហិង្សាវាយទៅលើស្ត្រីខាងលើបង្កការភ្ញាក់ផ្អើលតែម្ដង ។
បច្ចុប្បន្នជនសង្ស័យត្រូវបាន ឃាត់ខ្លួននៅអធិការនគរបាលស្រុករំដួលដើម្បីកសាងសំណុំរឿងចាត់ការតាមច្បាប់ ៕ យឹម សុថាន
