លួចម៉ូតូបានយកទៅលាក់ទុក ក្នុងផ្ទះត្រូវនគរបាលស្រុកទឹកផុសឃាត់ខ្លួនបាន

ខេត្តកំពង់ឆ្នាំង ៖ ជនសង្ស័យម្នាក់ត្រូវបាន សមត្ថកិច្ចនគបាលស្រុកទឹកផុសឃាត់ខ្លួនបានបន្ទាប់ពី ជនសង្ស័យបានលួចម៉ូតូរបស់ ប្រជាពលរដ្ឋយកមកទុកក្នុងផ្ទះ ។

ហេតុការណ៍នេះបានកើតឡើង វេលាម៉ោង ១៩ ថ្ងៃទី១៧ ខែតុលា ឆ្នាំ២០១៩ នៅភូមិក្រាំងម៉រ ឃុំតាំងក្រសាំង ស្រុកទឹកផុស ខេត្តកំពង់ឆ្នាំង។

សមត្ថកិច្ចបានឲ្យដឹងថា ជនសង្ស័យដែលត្រូវឃាត់ខ្លួន នេះឈ្មោះ ហេង ហួត ភេទប្រុស អាយុ១៨ឆ្នាំ រស់នៅភូមិ ឃុំ ខាងលើ ។ ចំណែកម្ចាស់ម៉ូតូមានឈ្មោះ អ៊ូ ណាន ភេទស្រី អាយុ ៥៥ឆ្នាំ រស់នៅភូមិក្រាំងម៉រ ឃុំតាំងក្រសាំង ស្រុកទឹកផុស ខេត្តកំពង់ឆ្នាំង ។

សមត្ថកិច្ចបានឲ្យដឹងទៀតថា នៅមុនពេលកើតហេតុ ម្ចាស់ម៉ូតូ បានយកម៉ូតូរបស់ខ្លួនម៉ាកហុងដាសេ១២៥ ពាក់ស្លាកលេខ កំពង់ឆ្នាំង 1H 8576 ទុកនៅក្នុងផ្ទះរបស់ខ្លួនពីក្បាលល្ងាច លុះដល់ម៉ោងប្រមាណជា ម៉ោង១៩ ក៍ស្រាប់តែមិនឃើញម៉ូតូ នៅក្នុងផ្ទះក៍ផ្អើលឆោឡោ និងប្តឹងសមត្ថកិច្ចឲ្យជួយអន្តរាគមន៍ ។ ក្រោយពីស្រាវជ្រាវសមត្ថកិច្ចបានកំណត់មុខសញ្ញាបាន រហូតដល់ម៉ោងប្រមាណជាង២៣ទើបឃាត់ខ្លួនជនសង្ស័យបាន ដែលលួចម៉ូតូយកទៅទុកក្នុងផ្ទះ របស់ខ្លួន ។

នៅពេលនេះសមត្ថកិច្ចបាន កសាងសំណុំរឿងបញ្ជូនមកស្នងការដ្ឋាននគរបាលខេត្តកំពង់ឆ្នាំង ដើម្បីចាត់ការបន្តទៅតាម នីតិវិធី ៕ ចន្ថា