សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ លោកធិការនគរបាលស្រុកព្រៃនប់បានឲ្យដឹងថា ជនសង្សយ័ជាមេក្លោងជួញដូរគ្រឿងញៀនម្នាក់ទៀតត្រូវបាននគរបាលស្រុកចាប់ខ្លួនបានហើយ តាមបទបញ្ជា និងវិធានការពីលោកឧត្តមសេនីយ៍ទោជួន ណារិន្ទ ស្នងការនគរបាលខេត្តព្រះសីហនុ ហើយការឃាត់ខ្លួនជនសង្សយ័រូបនេះ ធ្វើឡើងនារសៀលថ្ងៃ ទី២១ ខែតុលាឆ្នាំ២០១៩ នៅក្នុងភូមិសារាយ ឃុំជើងគោ ស្រុកព្រៃនប់ ខេត្តព្រះសីហនុ ។
ជនសង្សយ័ មានឈ្មោះ ហេង ប៊ុនធឿន ភេទប្រុស អាយុ៤០ឆ្នាំ មានទីលំនៅ ភូមិតាពៅ ឃុំតានៃ ស្រុកព្រៃនប់ ខេត្តព្រះសីហនុ មុខរបរមិនពិតប្រាកដ ក្នុងនោះនគរបាល ដកហូតបានវត្ថុតាងរួមមាន៖ ម្សៅក្រាមសារធាតុញៀចំនួន២៧កញ្ចប់(តូច០៨កញ្ចប់ ធំ១៩កញ្ចប់) ជញ្ជីងថ្លឹងមួយគ្រឿង និងទូរស័ព្ទដៃចំនួនមួយគ្រឿង ។
ជនសង្សយ័រូបនេះ នគរបាលនឹងចាត់ការបន្តតាមនីតិវិធីបញ្ជូនទៅផ្តន្ទាទោសតាមច្បាប់ ៕ ឆ្លាម សមុទ្រ
