យុវជន២នាក់បើកម៉ូតូឌុបគ្នាចាប់ហ្វ្រាំងដួលបោកនឹងថ្នល់ស្លាប់ម្នាក់របួសធ្ងន់ម្នាក់

ភ្នំពេញ៖ យុវជន២នាក់បើកម៉ូតូឌុបគ្នាចាប់ហ្វ្រាំងដួលបោកនឹងថ្នល់ស្លាប់ម្នាក់របួសធ្ងន់ម្នាក់ ហេតុការណ៍នេះបានកើតឡើងកាលពីកាលពីម៉ោង ០៧និង២៥នាទីយប់ ថ្ងៃទី២០ ខែវិច្ឆិកា ឆ្នាំ២០១៩ នៅលើផ្លូវលេខ១០៤ ខាងកើតផ្ទះលក់ចាប់ហួយ សុខ ដាលីន ស្ថិតនៅភូមិព្រះធាតុ សង្កាត់រលួស ខណ្ឌដង្កោ រាជធានីភ្នំពេញ ។

ប្រភពព័ត៌មាននៅកន្លែងកើតហេតុបានឲ្យដឹងថា មុនពេលកើតហេតុ គេឃើញម៉ូតូមួយគ្រឿងម៉ាក ហុងដាប៊ីត ពណ៌ស លាយខៀវ ពាក់ស្លាកលេខ ភ្នំពេញ 1HD-2002 បើកបរដោយឈ្មោះ ជន់ សាម៉ឺឌី អាយុ ១៦ ឆ្នាំ មុខរបរ សិស្ស មានទីលំនៅភូមិថ្មី សង្កាត់ទៀន ខណ្ឌដង្កោ រាជធានីភ្នំពេញ អ្នករួមដំណើរ ឈ្មោះ ឈួន វិច្ឆិកា អាយុ ១៦ ឆ្នាំ មុខរបរ សិស្ស មានទីលំនៅភូមិអញ្ចាញ សង្កាត់ស្ពានថ្ម ខណ្ឌដង្កោ រាជធានីភ្នំពេញ ខណៈបើកម៉ូតូមកដល់ចំណុចកើតហេតុបានចាប់ហ្រ្វាំង ដួលបោកទៅនឹងថ្នល់ បណ្ដាលឲ្យអ្នកបើកបរស្លាប់នៅនឹងកន្លែងចំណែកអ្នករួមដំណើរត្រូវរថយន្តមួយគ្រឿងបើកបរក្នុងទិសដៅស្របគ្នាកិនបាក់កជើងខាងស្ដាំ ហើយរត់គេចបាត់ ។

បន្ទាប់ពីកើតហេតុ សមត្ថកិច្ចបានចុះដល់កន្លែងកើតហេតុ យកម៉ូតូរបស់ជនរងគ្រោះទៅរក្សាទុក នៅអធិការដ្ឋាននគរបាលខណ្ឌដង្កោ ចំណែកសពប្រគល់ឲ្យគ្រួសារយកទៅធ្វើបុណ្យតាម ប្រពៃណី ៕ ជ្រោយពេជ្រ